New Delhi, May 3, 2013: Control Arms of India, Manipur Women Gun Survivors Network leh North East India Women Initiative for Peace saina nuai ah seminar on Include History Northeast India in National Curriculum chi thupi a nei in India International Centre, New Delhi ah May 2-3 sung nei in um. Tami hun ah NE state 8 apat Scholar/Historian leh mi tuom tuom te’n ngaihdan sung khawm uhi. Tami seminar in a tupa ahileh NE state-te tanchin ban ah thu poimaw dangdang CBSE leh NCERT laibute (syllabus) ah tuansah ding chi ngimna toh kibawl ahi chi’n Binalakshmi Nepram, Founder Manipur Women Gun Survivor Network & Secretary General, Control Arms Foundation of India in gen.
NE gam tanchin – politics, economic leh thu-le-la tampi umte national level a theipha in umlou, tuathamlou in NE a state bangzat um ban ah NE gam mite nangawn India mi tampi’n thei phalou lai uhi. Tuaziah a NE state-te tanchin ahilouleh NE state toh kisai thu NCERT leh CBSE a atuang ding ahi, tuahileh khangtha tampi NE tanchin hing theibeh ding ua, India sung ah tusang in kitheituohna hing pungsem ding chin Nepram in gen hi. Maban ah Central Solkal leh Minister/MP-te kungah ngetna pia ding ahi dan zong gen hi. ~ ZOGAM TODAY
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.