YPA DORCAS IN VENGSUNG HAHSIANG

YPA Dorcas Veng in Standing Order omsa dungzui in Vengsung hahsiangna nei

Zan tarik 25th January, 2025 (Saturday) nitak hun in, Dorcas Road-A Area, Dorcas Veng a Dawr luahtu Putul W/o (L) Sujit, Samastipur, Bihar apan YPA Dorcas Veng in Zu case 1 val matkhiakna nei uhi.

YPA Dorcas Veng in Vengsung siangthouna ding a Vengsung a Khamtheih-guihtheih leh Zu zuak khamna Standing Order dungzui in hun paisate leh zannitak hun in Putul W/o (L) Sujit Dawr a Zu supply leh zuakna om chih dungzui in luhkhiakna leh matkhiakna nei uhi. Vengsung a Dan omsa dungzui in, Putul W/o (L) Sujit sapna YPA Office, Dorcas Veng ah tuni (26-01-25) sunnung dak 12:30 pm in nei in, Gapna leh Kichiamsakna banah Putul muh in Zu matkhiak a omte buakna nei uhi.

Khotang siatna pungsaktu Khamtheih-guihtheih/Zu-le-sa hihtu naupang chikchik kibehlap hatlua ahihman in, Nu-le-pa te'n i ta i naute' kemhoih leh Vengsung a tua bang Tuailai/khangdongte' siat theihna baihlamtak a muhtheih ding a zuaktu kuamah omlou ding in theihsakna YPA Dorcas Veng in bawl hi. 

~ Zomi News