INDIA leh Myanmar gam kizopnapi khat ahi, Kalay-Tamu kikaal lampi Tomkawbok Galkapte'n lakik nuam uh ahihman in Galkap 1000 val tawh kuan uh hi. Kalay pan Tamu lam amanawh Tomkawbok Galkapte October 19 in Sawbua khua tungta uh hi.
Mipi' Galkapte'n angahsa uh munte khahsuah to ziah² uh hi ci in khuamite'n gen hi. Tomkawbok Galkapte'n mimal 1000 pen _phuaih 3_ kisuah uh a, Sawbua khua lam ah mimal 500, Yazayo (ရာဇဂြိုဟ်) lam ah mimal 300, ဆည်ကြီးကျေးရွာ lam ah mimal 300 cihdan in kikhen uh ci hi.
Tulaitak in Sawbua, Yazayo, ဆည်ကြီး, မြစိမ်း khua te ah munla uh a, akiim anaai mun citeng thaupi-thauneu tawh kap kawi² gawp uh ci hi.
October 19 in Mipi 30 val kidaalna ding in zang uh a, amai uah paisak uh hi. Khua pawlkhat haal uh a, bangmah thei lo Mipi pasal 8 thatlum uh hi ci in khuamite'n gen hi. Thah athuak sanggamte pen အရှေ့ခုံသာ ကျေးရွာ ah mi 2, အနောက်ခုံသာကျေးရွာ ah 6 ci uh hi.
Kidaalna ding in azatte uh pen anawkna khua mipite amuh peuh² uh alaak uh ci hi. Khua 50 bang gal kitaai zihziah a, pawlkhat India gam lam ah taai in, pawlkhat Kawlpi lam ah taai uh hi. India gam lam a taaite' lak ah honkhat gamgi pan kiman sawn² cilai mawk hi.
©𝐙𝐨𝐠𝐚𝐦 𝐈𝐧𝐬𝐢𝐠𝐡𝐭𝐬
Mipi' Galkapte'n angahsa uh munte khahsuah to ziah² uh hi ci in khuamite'n gen hi. Tomkawbok Galkapte'n mimal 1000 pen _phuaih 3_ kisuah uh a, Sawbua khua lam ah mimal 500, Yazayo (ရာဇဂြိုဟ်) lam ah mimal 300, ဆည်ကြီးကျေးရွာ lam ah mimal 300 cihdan in kikhen uh ci hi.
Tulaitak in Sawbua, Yazayo, ဆည်ကြီး, မြစိမ်း khua te ah munla uh a, akiim anaai mun citeng thaupi-thauneu tawh kap kawi² gawp uh ci hi.
October 19 in Mipi 30 val kidaalna ding in zang uh a, amai uah paisak uh hi. Khua pawlkhat haal uh a, bangmah thei lo Mipi pasal 8 thatlum uh hi ci in khuamite'n gen hi. Thah athuak sanggamte pen အရှေ့ခုံသာ ကျေးရွာ ah mi 2, အနောက်ခုံသာကျေးရွာ ah 6 ci uh hi.
Kidaalna ding in azatte uh pen anawkna khua mipite amuh peuh² uh alaak uh ci hi. Khua 50 bang gal kitaai zihziah a, pawlkhat India gam lam ah taai in, pawlkhat Kawlpi lam ah taai uh hi. India gam lam a taaite' lak ah honkhat gamgi pan kiman sawn² cilai mawk hi.
©𝐙𝐨𝐠𝐚𝐦 𝐈𝐧𝐬𝐢𝐠𝐡𝐭𝐬
19.10.'25
.jpg)
No comments:
Post a Comment
Comments not related to the topic will be removed immediately.