Blessing Prayer cum Declaration For Pu K. Lhouvum – Declared as NPP Candidate

Motbung Inpipun Blessing Prayer cum Declaration of Shri K.Lhouvum, IDES (Retd.), NPP Candidate ana bolpeh ta.

Motbung, Bulte, 17: Ahunglhung ding 12th Manipur Legislative Assembly 2022 a dinga 51-Saitu (ST) AC a kon NPP Candidate Pu K. Lhouvum, IDES (Retd.) Maicham sempehna leh Phondohna kin Pu Kaisei Elmun, Ex-MDC EM & Chief of Motbung in akhomunna thupi tah in ana nei tan ahi. 

Pu Kaisei Elmun, Motbung Model Village Haosapun Pu K.Lhouvum election tet dinga aum hi akipapina leh akaidoh ding akinepna jong aphongdoh in ahi. Chuleh khosungmite komma a vote manlutah cheh u Pu K. Lhouvum, NPP Candidate apeh dingun temna leh taona aneijin ahi. Mipin jong anopnau vetsahnan kipahtah in khutbeh hamlah lah in ana bengun ahi.

Inpinu Pi Kimneilhing'in K.Lhouvum  alolhinna dingin Pathen henga maicham asempeh luidohna aneijin, alung sunga pohgih aneiho jong phonlhahna ana neijin ahi.

Pathen henga vang thumpehna leh tilkhouna Pu Lamkhosat, Pastor Motbung Baptist Church in Proverbs 16:3 thupi a mangchan ana lamkaijin Hou lhacha Reverend jousen Candidate pa chunga khut ngam pummin lunggil tah cheh in taopehna aneijun ahi.

NPP Candidate Pu K.Lhouvum ahoulimna a vangthumpehna leh tosotna angaichat khoh laitah a Motbung Haosapun hitobang kin loupi ahin gonpeh hi hachangpa kipana anei jallin anuh abing leuvin ahi. Aman ajochanna Saitu AC mite dinga na-pha atohnom dan leh nasatah a khantouna lamma kikhelna apohlut nom ahidan aseijin ahi. Thu tekahna aseina khatna, “Bongpi'n hampa ane jin, jingteng bongnoi eipe jiuve. Chubang chun na Vote manlutah uchu neipeuvin, neison doh leuchun keiman bongnoi kapehding nahiuve”, ati.

Gah hetthei khat chu, tuni kin kibolna a Motbung khosungmi insonna mipa ahilouleh minu lunggel thei cheh sangval akikhom doh in, NPP Working Committee bah chomchom ho jong apangun ahi. Chuleh Pu Thangkholen Elmun, Bulpipa’n jong houlimna aneijin, K.Lhouvum atosotna thu leh lungpi gel tah a insungmiten lunggel aneicheh dingun jong temna aneijin ahi.

Kin kimanna sungin community chomchom a kon thalheng hon jong Pu K.Lhouvum a support nau ana phongdoh un ahi. Saitu Kendra sunga hi khokhatna voter tamna pen Motbung hi ahitan vote sangli val um ahin, khat jong valha louva NPP a support leu kaina chance jakhat lah a somko val anei uve.  Hijeh chun niseh in NPP jop mihem akibe jingin ahi. Tu masang jengin jong BJP a konna NPP jop Manipur context sehseh a vetdin, mi 500 chunglam ahitauvin ahi.

Pu K Lhouvum, IDES (Retd.) NPP Candidate 51-Saitu (ST) AC sunga ding, Motbung khomin maicham sempehna leh phondohna aneijouvun, mipi sangval in kipah tah in ankong sokhomna jong ana neijun ahi.

Media Cell for

K.Lhouvum, IDES (Retd.)

NPP Candidate, 51-Saitu (ST) AC

Share: