Maban kha 2 sungin KIM Election om ding

Lamka 2022 July 22: Kuki Inpi Manipur (KIM) election ding tungtang genkhawm ding poimawh om ziakin tuni July 22, 2022 zingsang dak 11:30 in Kuki innpi Churachandpur (KIC) Complex, Tuibong, CCpur ah assembly nei uhi. Huai hun ah Kuki Inpi District leh block lamkaite, Tribe tuamtuam a pawlpi makaite, KIM leh anuai a CSO makaite, KIM Election Commission makaite, KIM ex-Executive member-te leh namsung a mipil-misiam tuamtuamte paikhawm uh a, Khaimang Chongloi, Caretaker President, KIM leh Election Commitee makaih a, genkhawmna a neih hun uah, Khaimang Chongloi, Caretaker President, KIM leh incumbent leader te'n kha 2 sung mawhpuakna len nawn ding in thupukna la uhi, KIM Constitution Review Commitee bawl hiding a, Dr Thathang Vaiphei Chairman hiding a, Member in TT Haokip leh Dr Seikhohao hiding ua, amaute'n member laklut beh in, kha 2 sung in assembly ah pawlut ding ua, kha 2 sung mah in KIM Election om ding in thupuk uhi. Meeting zawhnung in, paikhawm mipite'n annkuang umkhawm uhi.