CB unsatisfies on CNF & CDFs

Chin Brotherhood Lam Chuan CNF Leh CDFs Chungah Vuina An Nei, Thu Chhuah An Siam 

July 7th,2024 - Zofa Journal║⁠Chinland ram Chin State Matupi Township ah Chin Brotherhood leh a thawhpui awmna chu CNF/A leh a thawhpui ten an va bomba an va ti buai niin Chin Brotherhood lam chuan tlangzarhna an nei.

June 9th atanga June 29th thleng Chin Brotherhood leh a thawhpui ( AA, Yaw Army ( YA ) leh Yaw Defense Force ( YDF ) ) chuan Matupi operation an kal puia, SAC sipai chu hnehin camp lian 2 an laksak bakah ralthuam tha hnem tak an laksak thei bawk a ni. Chin Brotherhood leh a thawhpui te chu Matupi ah awm hmun khuarin venghimna hna an thawk chhunzawm ve nghal bawk ni in Chin Brotherhood lam chuan an sawi.

June 18th tlai dar 5:30 p.m atanga vawiin July 7th thleng CNF/A leh a thawhpui CDFs ten Chin Brotherhood leh a thawhpui te chu ti buai a an va kah thu Chin Brotherhood lam chuan an sawi a, bomb vawi 30 chuang hmangin CNF/A leh a thawhpui ten an beih thu an tarlang.

CNF/A leh CDFs te chu Matupi township lamah sipai in thlah belhin Indona thu hla ah Chin Brotherhood lam chuan an lawm lo thu sawiin mipui hnehah hriattirna an nei.

~ Zofa Journal