NGAIHTUAHNA A HONG OM | Biak S Tawmbing

SANGGAMNU NINGTHIANMUANG' SIHNA TUNGTAWN 

APAN KA NGAIHTUAHNA A HONG OM

~ Biak S Tawmbing 

Sanggamnu' luang damsa ka muh leh ka sanggamnu 2005 July kha a, Biakinn sung (a biakinn min kon gen dah ding); huai biakinn a thumdamthei te'n a nung zang a kitawm a hon tot lupsak uh bang ka phawk. Huai dan toh kibang sim ahi.

A sih dan chet uh kibang lou maithei, but a hih dan style uh kibang ahi. Ka sanggamnu' tung ah a tuang ua, a kitawm ua, dawi pawtdek ahi a chi ua, gim mahmah kawm in AW HON ZUI NING MAW SINGLAM TEH PUA IN chih Laa a sak zoh a dai vengveng. Kaute dawite pawtta uh ahi achi ua, ka sanggamnu lah zoi mahmah mai, a tawpin biakinn kiang a om Doctor khat sam in, a pulse ka check sak ua leh beita ahi chi maimah.

Huai bangbang ahi. I beidot luat chiangin Pathian mah kichi gige a, ahiding mah ahi. Himahleh, mi hih zialzial a, a thumsak pen uh ahi a diklou. Huaiziakin, kuamah demlou in gen le gensiatsak lou in, huchibangte apan kihem khethei lehang hoih mahmah ding ahi.

Ka gennop khat ka lungsim a om mahmah tuh, damlou damna ding deih a Doctor tuamtuam a tai phatuam mawng mawng lou. Pathian in thilhih thei ahihchia Pathian muanna toh va kikuan kha ahi.

Huchi bangbang a tua a si sanggamnute leng huai dan hikha ding uh. Damloute leng damna ding deih a hoh uh. Thumsakte leng a damna ding mah a ana thum uh tuh hiding ahi.

Ka muhdan tuh thumna tengteng Pathian in dawn louh a neikei a, i deihdan in leng hon dawng chetchet kei hial ding. Hon dawng hileh Pathian i poimawh kha hetkei ding uh, chih ka muhsuah ahi.

_Copy&Paste_

Share: