Paletwa Pastor tragically drowns in Kaladan river

Paletwa Pastor Chu Kaladan Tuipuiah Tla Hlumin A Ruang Chhar A Ni Tawh E

November 27, 2024 --- Chinland ram Chin State Paletwa township Bawwei khua ( ချင်းပြည်နယ်၊ ပလက်ဝမြို့နယ်၊ဘောင်ဝီးကျေးရွာ ) a Pastor hna thawk mek Pu Tun Aung ( Kum-45 ) chu Kaladan tuipui ah boralin November ni 26 tlai lam dar 4:00 PM velah a ruang an hmuh tawh thu buaipui tu ten an sawi.

Thu awm dan - chhui zau na; Pastor Pu Tun Aung chuan nupui fanau neiin, fa(4) an nei a, kan hnung kar lam khan a nupui leh a fa (3) chu Mizoram ah raltlan tirin November ni 24 zing lam ah a fanu pakhat zawk nen chuan an chhungte awmna lama raltlan ve turin Paletwa ram an khua atang chuan Kaladan tuipui lawng chu an chuanga India ram Mizoram State lam an pan mek laiin an lawng chesualin a fanu chu tuiah a tla a, Pastor Tun Aung chuan a fanu a va chhan chhuahna lamah chesulin boralin a bo zui ta a ni.

Tlawm ngai mi ten ni 2 chhung an zawn hnuah November ni 26 tlai lam ah a ruang chhar a ni a, vawiin ah ramri lamah vuina hunserh an hmang tur thu an sawi.

Thu dawn dan in, Paletwa Township chu SAC awm tawh lo mahse AA lamin an awpa,  Kaladan tuipui lawng sum dawngna chu control telin Palewa ramah Administration an kalpui a, chhiahte la in Arakan hnam tawng leh Nation chu Chin mite an zirtir thu sawiin mipui tan a him lo hle a, Civil man leh Civil kuttuar a thi an tam thu a sawi bawk a ni.

Paletwa township chu mipui hawng lam ai chhuahsan tu an pung deuh deuh a, a bikin Yangon leh Mizoram an pan nasat thu an sawi bawk a ni.

~ Zofa Journal

Share: