Tuni, November 08, 2026 nitah dah 07:00 in Organising Committee, Zou Ton 2026, Delhi & NCR apa’n UZO, ZYO & ZSP palai apei khawm thei teng kisukhawm in Delhi tuolpi a milui mama khat leh Pasian siempi i minam leh khotang a isuon mama uh gammiel nasepna azong etton tah ahi Rev. Dr. LT Lianzaw, a omna inn uh Dwarka Sector 5 ah maivilna va kinei hi.
Innteh lamte thusiemna leh lunggel siemna ziehin Pasian thu toh kituoh a khotang-nampi kalsuon ding deihuoi dan leh apoimaw dan thute houlimna kinei in inntehna huongphalna ma toh nitah ann imkhawmna hun in jui hi. Tua thamlou in, Zou Ton 2026, Delhi & NCR vangbuohna in dangka tul sawm thum, ₹ 30,000/- tah apet pet in hing pekhie sawnsawn nalai uhi. A jahtat huoi siempi Pu Rev. Dr. LT Lianzaw leh a innkuonpite lunggel siemna leh thukhuol theina etton tham kisa mama in, Zou Ton Organising Committee in lungdamna lienpi itangkou uhi. Ibieh Pasian in ama leh a innsung mite a asep-abawl uah mapui in ale tampi in phungvua tahen!
~Organising Committee
Zou Ton 2026, Delhi & NCR
No comments:
Post a Comment
Comments not related to the topic will be removed immediately.