HIANGTAM LAMKA VILLAGE AUTHORITY: MOHPAIHNA THUPUAN

Office of the
HIANGTAM LAMKA VILLAGE AUTHORITY
Mualveng, Hiangtam Lamk, Manipur - 795128

Date: 21st Feb., 2025
MOHPAIHNA THUPUAN

Hiangtam Lamka khosattu Pu Phungkhothang Guite min a kibawl Phungkhothang Guite Government High School, Zellang Veng a om migilou bangzah hiam in nisim 20th February, 2025 (Zomi Nam Ni) ni in Teachers common room leh Headmaster room susia uhi. Tua bang gamtatnate Hiangtam Lamka Village Authority in *MOHPAIHNA* sangpen kipuang hi.

Tua kia hilou in School baang(wall) ah, *"Na ****Zomi, Fuck Zomi"* chihte kigelh hi. Hiai banga gamtangte'n bang a na deih uh? Bangtupna ahia chih kithei ut mahmah ahi. Naupang siamsinna mun in nou hehna ding bang genkha ahia? Hiangtam Lamka khosung mite muhsitna leh simmohna ahihmanin, thuneitute'n migilou gamtangte a kintheilam a mankhia ngeingei ding in Hiangtam Lamka Village Authority in ka hon ngen uhi.

Hiai school van susetute(migiloute) ami diktak gen thei a om leh Hiangtam Lamka Village Authority in Vai dangka Sum tamkhoptak kipahman piak leng ka hon chiam uh a, maban ah naktak in kisui dinga, matkhiat a om leh kuapeuh mah in Nam leh Beh thil a la theilou dingin ka hon theisak uhi.

*(G. THANGKHOSUANMUNG)*
Chief of Hiangtam Lamka

*(THATHANG LANGEL)*
Secretary

HIANGTAM LAMKA VILLAGE AUTHORITY

Share: