ZOMI Nam Ni pen 1948 kum, February 20 ni a piang hi. Tua ma in, i Zomigam bangci hiam cih theih huai hi. Tua hun lai in, Zomigam ki-ukna pen bang Upadi tawh ki-uk hiam cih leh Chin Hills Regulation Act akici, British Kumpi'n 1896 kuma abawl Upadi tawh ki-uk hi. Tua Upadi in tu-a, i Zomigam sung teng bek hilo in, tulaitak a Mizoram akici Lushai Hills teng, Manipur gam singtang teng, tulaitak a Nagaland akici gam teng, tu-a Sagaing Division sung a kihel Sommra Hill teng leh Mizoram taw lam a Cacha-Chakma gamteng uk hi.
Tua ahihman in, 1948, February 20 in pen Zomi buppi gualzawh ni, Zomi buppi suahtak ni, Zomi buppi democracy ngah ni, ahihman in, *ZOMI NAM NI* akici hi. Lam khat ah ukpi ngeina apiangsak The Chin Hills Regulation Act asih ni ahi hi. Hi bangin mipi' deihna tawh The Chin Hills Regulation Act kiphiat khia a, mipi' deihna democracy tawh ki-uk theihna ding in, Chin Special Division Act kibawl a, tua Upadi tawh i Zomigam ki-uk i hihman in, siahtung siahphei om nawn lo, tuktha khaltha om nawn lo, saliang sapa om nawn lo—in, hausa upa zong, mipi teelte bek in hausa sem thei hi. Khua nga khua guk bang kigawm in khawk khat in kiseh a, tua khawk sung a hausa teng in khawk uk ding teel leuleu uhi.
Minam Ni i gen ciang in, ani thu bek ngaihsun lo in i Minam zong ngaihsut ding kisam hi. TV sung a ka thugenna ah, tang tawng pek pan a, kipan in, Zomi i kici hi, ci zo ing. Chin kici nam min pen Mikang Kumpi hong piak hi a, sal hihna pana kingah min hi ka ci hi, min maan hi lo ka ci hi. Banghang hiam cih leh ei phuah hi lo, ei theih loh kal a hong kipia min ahihman in, i theih loh kal in Chin te ci in lai hong kigelh san san a, ahizong in e'n phawk lo in om san san hang a, khua i phawk zawk deuh, lai i gelh theih zawk deuh ciang in, i biak Pasian bulphuh in i Minam min ding Tedim gam, khuasak khua ah 1953 kum in i phuak hi. Tua hun pen *Khuasak Golden Jubilee* kici a, *Pu Thuam Hang leh Pu Pau Suan* te Tapidaw (Christian) suah zawh kum sawmnga acin kum cihna hi.
Hih *ZOMI NAM Nl (ZOMI NATIONAL DAY)* pen amasa in, *Pu Zahre Lian* in ama' suah ni tawh laih nuam a, laihzo lo hi. *General Ne Win* in zong Pyine lakni tawh laih nuam a, mipi'n saangzo lo hi; tu'n zong SPDC in Pyine Ni ding mah in, hih den a, ahihhang' mipi'n saangzo lo hihang. Banghang hiam cih leh *ZOMI* cih min pen akip, akho ding a Pasian' tung a i aapsa min, eima' phuahsa min ahihhang hi.
20-02-2025 | Zomi Nam Ni
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
Tua ahihman in, 1948, February 20 in pen Zomi buppi gualzawh ni, Zomi buppi suahtak ni, Zomi buppi democracy ngah ni, ahihman in, *ZOMI NAM NI* akici hi. Lam khat ah ukpi ngeina apiangsak The Chin Hills Regulation Act asih ni ahi hi. Hi bangin mipi' deihna tawh The Chin Hills Regulation Act kiphiat khia a, mipi' deihna democracy tawh ki-uk theihna ding in, Chin Special Division Act kibawl a, tua Upadi tawh i Zomigam ki-uk i hihman in, siahtung siahphei om nawn lo, tuktha khaltha om nawn lo, saliang sapa om nawn lo—in, hausa upa zong, mipi teelte bek in hausa sem thei hi. Khua nga khua guk bang kigawm in khawk khat in kiseh a, tua khawk sung a hausa teng in khawk uk ding teel leuleu uhi.
Minam Ni i gen ciang in, ani thu bek ngaihsun lo in i Minam zong ngaihsut ding kisam hi. TV sung a ka thugenna ah, tang tawng pek pan a, kipan in, Zomi i kici hi, ci zo ing. Chin kici nam min pen Mikang Kumpi hong piak hi a, sal hihna pana kingah min hi ka ci hi, min maan hi lo ka ci hi. Banghang hiam cih leh ei phuah hi lo, ei theih loh kal a hong kipia min ahihman in, i theih loh kal in Chin te ci in lai hong kigelh san san a, ahizong in e'n phawk lo in om san san hang a, khua i phawk zawk deuh, lai i gelh theih zawk deuh ciang in, i biak Pasian bulphuh in i Minam min ding Tedim gam, khuasak khua ah 1953 kum in i phuak hi. Tua hun pen *Khuasak Golden Jubilee* kici a, *Pu Thuam Hang leh Pu Pau Suan* te Tapidaw (Christian) suah zawh kum sawmnga acin kum cihna hi.
Hih *ZOMI NAM Nl (ZOMI NATIONAL DAY)* pen amasa in, *Pu Zahre Lian* in ama' suah ni tawh laih nuam a, laihzo lo hi. *General Ne Win* in zong Pyine lakni tawh laih nuam a, mipi'n saangzo lo hi; tu'n zong SPDC in Pyine Ni ding mah in, hih den a, ahihhang' mipi'n saangzo lo hihang. Banghang hiam cih leh *ZOMI* cih min pen akip, akho ding a Pasian' tung a i aapsa min, eima' phuahsa min ahihhang hi.
20-02-2025 | Zomi Nam Ni
©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭
.JPG)
.jpeg)
No comments:
Post a Comment
Comments not related to the topic will be removed immediately.