16 March 2025 Official Day
Zo Christian Centenary a ki bawl ding tah ciengin,
A kum ding leh a mi ding tawh abuoi om hi.
A tel vetlo leh a don vetlo zong ki om hi.
A kankuat a, a hazaa zong ki om hi.
A deikaih a, a nua bawl ding zong ki om hi.
A thu tellopi a, FB sunga son buoi zong ki om hi.
A kikum panpan ding zong ki om hi.
Zo Laisiengtho(Holy Bilbe) vai
Leitungah mi nam kamham 17400(Tul sawm leh tul sagi leh za li) bang om a tua sungah ei Zo te mi nam khat a Topa in ei bawl ahi hi. Tuami 17400 lah ah Laisiengtho (Holy Bible) a nei pen minam 733 beh pha hi. Tua sungah ei Zo te zong Sie Mang Kho Lian leh Sie Mang Do Thang te tung tawn in Pasien in Zo Laisiengtho ei tawisah hi. April 19, 2018 kum in Zo Laisiengtho a lui leh a tha a gial kiman sian a 2019 in Pasien mai-ah apna kinei hi. Laisiengtho tha Pasien in eipie a, Ei nua ah Laisiengtho a nei nailo minam 16000 val om lai hi. Laisiang tho tha anei pen tu lian in 1622 beh om hi. Jesu Zo kam ham movie zong Sie Mang Sian Sing tung tawn in Pasien in ei neisah zo hi.
Chin State bup ading
Zomi Baptist Convention (now CBC) in bawl;
Sihzang kampau bup ading Khuasah ah Tuiphum pawlpi tulpi sem in bawl;
Tedim kampau bup huop in Cope Memorial Baptist Church in bawl;
Zo bup huop in Zo Baptist Association in kawlpi ah bawl hi.
USA ah Zo Baptist Church Atlanta ten bawl, Zo Baptist Churches of USA ( ZBC-USA ) in Zoom tawh bawl, Sie Sing Pu(Fort Worth, TX leh Faith AG Indianapolis in bawl hi.
Pu Hang Za Kham Tangthutom kim:
Zo suon tate adingin Zo Christian Centenary min ihlawhthei-na in, Lungtah khuo Pu. Hang Za Kham(Lienzaw) zieh ahi hi. Pu Hang Za Kham pen Pu Ging Lun(Lienzaw) le Pi Khan Za Cing(Milun)te sung pan 1893 kum in Tongzaang Myone, Lungtah khuo ah suoh a, Unau pasal (4) sungah a tapen ahi hi. 1910 Kumin American Philadelphia khuo pan Missionary Joseph Herbert Cope le a Zi Elizabeth Cope Tedim khuo hing tung uha, ama-uh tungtawn in Tongzaang khuo Rev. Vial Nang in a nungta Pasien, na sang masa hi. Tuaban ah Rev. Vial Nang tungtawnin 1925 kum in Pu Hang Za Kham in Pusa Pasa Lawki panin ahingzing anungta Pasien a na khutsan a, 1926 Kumin Rev. Vial Nang in, Lungtah khua "Hehtah Lui" ah natuiphum hi.
Pu Hang Za Kham Tapidaw a suozawh kum (6) sung amatang thungenin, na dingtang vengvong hi. Ka U ka nau sung leh Putesangin Jesu ka Pasien manphazaw hi ci-in a upna tawh hangsan tahin na taangko hi. Pu Hang Za Kham in thu a nget sialin Abraham Pasian, Isaac Pasien, Jacob Pasien, Hang Za Kham Pasien aw hunnasah ciengin ka hla-ka suon ka Tu-katate sung panin ka ketot eizui thei ding ei pie'n ciin hlitui-naptui tawh thungen den hi.
A hlah leh suan te
Pu. Hang Za Kham, 2. Sie. Lun Cin Kham, 3. Sie. Kyaw Kyaw Oo, 4. Sie. Kham Sian Khai 5. Tg. Suan Vang Kip
Bawlsiet Athuona-te:
Tapidaw a suoh ciengin, khuosung thunei Hausa te'n Khuopulam dawite teenna adipkuot huoi mama mun ahi"LINGZAANG" ah hawlkhie vuhi.
Apienna anu Khan Za Ciin in innpan taisan hi.
Apu Thangman tengin "Tanu" hinapanin phiet vuhi.
Lienzaw, a unau tengin Unau sung pan phiet vuhi.
Hausa pa'n "Tuleta, Pu le Pi neilo, sanggam unau neilo pa ci in, a tuibuh tui tawh a cilphit ciangin, Pu Hang Za Kham in "Katukata ka sanggamte sangin Jesu ka Pa" ci-in dawng hi.
Hausa Upa te'n helbawl mama uha, Nipi(Sunday) ni sial in "Thona" ama tangin kuan sah sese vuhi. Aman zong Nipi Biehpiehna a neitheilo pen na sa mama hi.
Tedim vuondawh a sem Mangkangte Nedone/Nydone, a gam sung vaan a, ang pei ciangin a ki bawlsietna teng Vuondawh pa kung a sung siang hi. Tuaciang Vuondawh pa in Khuosung thunei Hausa Upa teng khawm a, "Tuni a kipan Hang Za Kham nipi nisial in na na semsah nawh sih vun, na na sepsah lai vu leh, Palih te'n kang mansah ding vu hi, No zong na khawzangpi vun Tapidaw na suohsieng vun a ci ciengin zau mamma vuh a, Mangkangte nangawn tapidaw om va langh ciin lamdang a samama uha, tua ni a kipan Nipini sielin Pasien biehpiehna luitheipan hi. Pasian in a thunget nate dawng a, nisim in a innvuah Tapidaw suohnuom Pasien thu adong khuaivai tung bangta hi.
Pu Hang Za Kham Pan Centenary A Lathei-Na
Zo Baptist Association Silver Jubilee Tangthu kanding Committee, 1986 kum in a nei abangin na kise hi. (ZBA-GC-14/86 thu khensat)
Rev. Mang Kyin (Convenor)
Rev. Kham Za Mang (Bumzang)
Rev. Cin Min Thang(Khuomun)
Rev. Vial Cin Khup (Nangkateih)
Rev. Za Cin (Anlun)-te na kise hi.
Committee in a mukhiet uh thu:
Zo mi Sung Pan Pasien Thu A Um Masa Teng
Pu Hat Go (1920 Phaitu)
Pu Hang Za Kham (1925 Lungtah)
Pu Thang Kho Cin (1934 Phaitu)
Pu Za Cin (1934 Anlun)
Pu Thang Hau (1934 Khamzang)
Pu Ai Za Thang (1936 Khuomun)
Pu Ngul Za Gin (1944 Senam)
Pu. Let Kho Cin (1944 Gelmuol)
Pu Hel Za Kham (1946 Lennakot)
Cidan in, tua hun in Zo te tenna khuo teng leh ZBA pawlpi omna (60) a om sungah Khuo (37) sunga Tapidaw suoh masa tengle a pientha kum teng na mukhie uh hi. Tuma kum 40 kim, 1986 kumlai a, Zo te sungah ih mimuonteng mukhietna pen ZBA Silver Jubilee(1962-1987), Kum (2000) Magazine le ZBA Golden Jubilee te ah kikipasah toto hi. Tua hia, tuma kum(40) lai a, ih pu ih pa ten a kipsahsa uh thu-te pen khangtha-te in ki pomtoto in, Mattan tawhna kikal suon in, Zo Centenary Kum 100 cin Pawipi a kibawl a hi hi.
ZBA in Evangel na bawl sih leh, Zo-te Evangel neilo ih hitading vua, Centenary bawl sih leih, Zo tate Centenary theilo, bawllo leh neilo te a suoh ding i hi ta hi.
ZBA Silver Jubilee Laibu (1962-1987), ZBA Kum (2000) Magazine le ZBA Ruby Jubilee Dotna Laibu, ZBA Golden Jubilee laibu-te ah Pu Hang Za Kham pen Zo sung Tapidaw suoh masa pen ahina, na kikipsah hi. Pu Hang Za Kham Pientha kum 1925 pan kum kisim 2025 Kum pen Zo tate adingin Zo Christian Centenary(Zo Tapidaw Kum-100) cing ahita hi. Zo Christian Centenary ih lawhthei nadingin, ih Sia-te le ih Makai masa-te-in, tuma kum 39/40 laipeh in, kikumngiet in, thukhensat ZBA-GC-14/86 tawh committee nakise in, na ki kansah ngiet hi.
Zo Evangel Centenary (Phaitu) 1920-2020
Motto: Hinkhuo lamlah Sienmang Tongdam. (Lapite 119:105)
Zo sungah Gospel(lungdamna) thu ang tunzaw kum 100 cin na hi.
Atut : Pu Hat Go (Tawmging)
Zo Christian Centenary (Kalay) 1925-2025
Motto: Tucieng dong Topa'n ei panpi. (2 Samuel 7:12)
Zo ten gospel apomzaw(lungdamna) kum 100 ta hi.
Apom : Pu Hang Za Kham (Lianzaw)
Zo Christian Centenary Building (1Sam. 7:12 "Ebenzar")
Tapidaw ih suohzawhkum (100) cin, phawh na in May 31, 2022 in, Centenary building pikhat ZBA Headquarters Kalaymyo ah hamsa pipi-in na kipan uh hi. Centenary estimate ah Ks. 43,000,000/- tawh zawhsiengding hia, tucieng Ks. 464,954,411/- bang tawpta a, dawl ni na cieng beh ki zozo pan hi.
Zo Christian Centenary pawipi leh building mabante pen Zo te tawh kisai a hi hi. Tuaziehin Pasien in eihaw khangsungah ei pieh tammi Centenary thupha ih san thei ciet nading in, pe khat pe ni tawh kihal ciet vai. Topa tuciang ka tuntheina nang ma hang hi bo cin Pasien tungah lungdam ko ciet vai. Thungetna, zindona leh Centenary building maban ah piehkhietna tuomtuomte neiciet in, thupha a ngahciet ding in, ihbieh Pasien in thupha ei pieciet tahen. Tam building lamna ah gamsung gampuu a om Zo tate zosie'n, mawhpuohna ih neiciet uh hi. Building golna pen: a vai pi(35) leh adung pi(100) hi-in, dawl(4) sang ding hi. Zo suan tate zosie ki pawlton a, Mission-nasepna phuolpi ding leh hla leh tahsalam ah Zo tate ki lamsang-a kipattah nading a, ki lam ahi hi. Tua ahi ziehin, tam building lamna ah no innkuon in, Pasian leh Zo tate ih khuol na tawh ih hizawhzaza nang ki piehkhiet nading un, Topa min tawh huhna kang ngen hi. Thamloin, ih Piehkhiet zaza, Zo Christian Centenary Magazine Laibupi sungah a omden dingin, ang ki suohsah ding hi.
Zo Christian Centenary building lamna ah a ki hal zo ciet ding in Topa in thupha ei pie ciet tahen Amen.
Zo Christian Centenary thu kai khawm
Pa, Thang Tung Pau(Tung No)
General Secretary, UZO-USA
(FY 2023-2025)
Ph, 317 756 8154
Zo Christian Centenary a ki bawl ding tah ciengin,
A kum ding leh a mi ding tawh abuoi om hi.
A tel vetlo leh a don vetlo zong ki om hi.
A kankuat a, a hazaa zong ki om hi.
A deikaih a, a nua bawl ding zong ki om hi.
A thu tellopi a, FB sunga son buoi zong ki om hi.
A kikum panpan ding zong ki om hi.
Zo Laisiengtho(Holy Bilbe) vai
Leitungah mi nam kamham 17400(Tul sawm leh tul sagi leh za li) bang om a tua sungah ei Zo te mi nam khat a Topa in ei bawl ahi hi. Tuami 17400 lah ah Laisiengtho (Holy Bible) a nei pen minam 733 beh pha hi. Tua sungah ei Zo te zong Sie Mang Kho Lian leh Sie Mang Do Thang te tung tawn in Pasien in Zo Laisiengtho ei tawisah hi. April 19, 2018 kum in Zo Laisiengtho a lui leh a tha a gial kiman sian a 2019 in Pasien mai-ah apna kinei hi. Laisiengtho tha Pasien in eipie a, Ei nua ah Laisiengtho a nei nailo minam 16000 val om lai hi. Laisiang tho tha anei pen tu lian in 1622 beh om hi. Jesu Zo kam ham movie zong Sie Mang Sian Sing tung tawn in Pasien in ei neisah zo hi.
Chin State bup ading
Zomi Baptist Convention (now CBC) in bawl;
Sihzang kampau bup ading Khuasah ah Tuiphum pawlpi tulpi sem in bawl;
Tedim kampau bup huop in Cope Memorial Baptist Church in bawl;
Zo bup huop in Zo Baptist Association in kawlpi ah bawl hi.
USA ah Zo Baptist Church Atlanta ten bawl, Zo Baptist Churches of USA ( ZBC-USA ) in Zoom tawh bawl, Sie Sing Pu(Fort Worth, TX leh Faith AG Indianapolis in bawl hi.
Pu Hang Za Kham Tangthutom kim:
Zo suon tate adingin Zo Christian Centenary min ihlawhthei-na in, Lungtah khuo Pu. Hang Za Kham(Lienzaw) zieh ahi hi. Pu Hang Za Kham pen Pu Ging Lun(Lienzaw) le Pi Khan Za Cing(Milun)te sung pan 1893 kum in Tongzaang Myone, Lungtah khuo ah suoh a, Unau pasal (4) sungah a tapen ahi hi. 1910 Kumin American Philadelphia khuo pan Missionary Joseph Herbert Cope le a Zi Elizabeth Cope Tedim khuo hing tung uha, ama-uh tungtawn in Tongzaang khuo Rev. Vial Nang in a nungta Pasien, na sang masa hi. Tuaban ah Rev. Vial Nang tungtawnin 1925 kum in Pu Hang Za Kham in Pusa Pasa Lawki panin ahingzing anungta Pasien a na khutsan a, 1926 Kumin Rev. Vial Nang in, Lungtah khua "Hehtah Lui" ah natuiphum hi.
Pu Hang Za Kham Tapidaw a suozawh kum (6) sung amatang thungenin, na dingtang vengvong hi. Ka U ka nau sung leh Putesangin Jesu ka Pasien manphazaw hi ci-in a upna tawh hangsan tahin na taangko hi. Pu Hang Za Kham in thu a nget sialin Abraham Pasian, Isaac Pasien, Jacob Pasien, Hang Za Kham Pasien aw hunnasah ciengin ka hla-ka suon ka Tu-katate sung panin ka ketot eizui thei ding ei pie'n ciin hlitui-naptui tawh thungen den hi.
A hlah leh suan te
Pu. Hang Za Kham, 2. Sie. Lun Cin Kham, 3. Sie. Kyaw Kyaw Oo, 4. Sie. Kham Sian Khai 5. Tg. Suan Vang Kip
Bawlsiet Athuona-te:
Tapidaw a suoh ciengin, khuosung thunei Hausa te'n Khuopulam dawite teenna adipkuot huoi mama mun ahi"LINGZAANG" ah hawlkhie vuhi.
Apienna anu Khan Za Ciin in innpan taisan hi.
Apu Thangman tengin "Tanu" hinapanin phiet vuhi.
Lienzaw, a unau tengin Unau sung pan phiet vuhi.
Hausa pa'n "Tuleta, Pu le Pi neilo, sanggam unau neilo pa ci in, a tuibuh tui tawh a cilphit ciangin, Pu Hang Za Kham in "Katukata ka sanggamte sangin Jesu ka Pa" ci-in dawng hi.
Hausa Upa te'n helbawl mama uha, Nipi(Sunday) ni sial in "Thona" ama tangin kuan sah sese vuhi. Aman zong Nipi Biehpiehna a neitheilo pen na sa mama hi.
Tedim vuondawh a sem Mangkangte Nedone/Nydone, a gam sung vaan a, ang pei ciangin a ki bawlsietna teng Vuondawh pa kung a sung siang hi. Tuaciang Vuondawh pa in Khuosung thunei Hausa Upa teng khawm a, "Tuni a kipan Hang Za Kham nipi nisial in na na semsah nawh sih vun, na na sepsah lai vu leh, Palih te'n kang mansah ding vu hi, No zong na khawzangpi vun Tapidaw na suohsieng vun a ci ciengin zau mamma vuh a, Mangkangte nangawn tapidaw om va langh ciin lamdang a samama uha, tua ni a kipan Nipini sielin Pasien biehpiehna luitheipan hi. Pasian in a thunget nate dawng a, nisim in a innvuah Tapidaw suohnuom Pasien thu adong khuaivai tung bangta hi.
Pu Hang Za Kham Pan Centenary A Lathei-Na
Zo Baptist Association Silver Jubilee Tangthu kanding Committee, 1986 kum in a nei abangin na kise hi. (ZBA-GC-14/86 thu khensat)
Rev. Mang Kyin (Convenor)
Rev. Kham Za Mang (Bumzang)
Rev. Cin Min Thang(Khuomun)
Rev. Vial Cin Khup (Nangkateih)
Rev. Za Cin (Anlun)-te na kise hi.
Committee in a mukhiet uh thu:
Zo mi Sung Pan Pasien Thu A Um Masa Teng
Pu Hat Go (1920 Phaitu)
Pu Hang Za Kham (1925 Lungtah)
Pu Thang Kho Cin (1934 Phaitu)
Pu Za Cin (1934 Anlun)
Pu Thang Hau (1934 Khamzang)
Pu Ai Za Thang (1936 Khuomun)
Pu Ngul Za Gin (1944 Senam)
Pu. Let Kho Cin (1944 Gelmuol)
Pu Hel Za Kham (1946 Lennakot)
Cidan in, tua hun in Zo te tenna khuo teng leh ZBA pawlpi omna (60) a om sungah Khuo (37) sunga Tapidaw suoh masa tengle a pientha kum teng na mukhie uh hi. Tuma kum 40 kim, 1986 kumlai a, Zo te sungah ih mimuonteng mukhietna pen ZBA Silver Jubilee(1962-1987), Kum (2000) Magazine le ZBA Golden Jubilee te ah kikipasah toto hi. Tua hia, tuma kum(40) lai a, ih pu ih pa ten a kipsahsa uh thu-te pen khangtha-te in ki pomtoto in, Mattan tawhna kikal suon in, Zo Centenary Kum 100 cin Pawipi a kibawl a hi hi.
ZBA in Evangel na bawl sih leh, Zo-te Evangel neilo ih hitading vua, Centenary bawl sih leih, Zo tate Centenary theilo, bawllo leh neilo te a suoh ding i hi ta hi.
ZBA Silver Jubilee Laibu (1962-1987), ZBA Kum (2000) Magazine le ZBA Ruby Jubilee Dotna Laibu, ZBA Golden Jubilee laibu-te ah Pu Hang Za Kham pen Zo sung Tapidaw suoh masa pen ahina, na kikipsah hi. Pu Hang Za Kham Pientha kum 1925 pan kum kisim 2025 Kum pen Zo tate adingin Zo Christian Centenary(Zo Tapidaw Kum-100) cing ahita hi. Zo Christian Centenary ih lawhthei nadingin, ih Sia-te le ih Makai masa-te-in, tuma kum 39/40 laipeh in, kikumngiet in, thukhensat ZBA-GC-14/86 tawh committee nakise in, na ki kansah ngiet hi.
Zo Evangel Centenary (Phaitu) 1920-2020
Motto: Hinkhuo lamlah Sienmang Tongdam. (Lapite 119:105)
Zo sungah Gospel(lungdamna) thu ang tunzaw kum 100 cin na hi.
Atut : Pu Hat Go (Tawmging)
Zo Christian Centenary (Kalay) 1925-2025
Motto: Tucieng dong Topa'n ei panpi. (2 Samuel 7:12)
Zo ten gospel apomzaw(lungdamna) kum 100 ta hi.
Apom : Pu Hang Za Kham (Lianzaw)
Zo Christian Centenary Building (1Sam. 7:12 "Ebenzar")
Tapidaw ih suohzawhkum (100) cin, phawh na in May 31, 2022 in, Centenary building pikhat ZBA Headquarters Kalaymyo ah hamsa pipi-in na kipan uh hi. Centenary estimate ah Ks. 43,000,000/- tawh zawhsiengding hia, tucieng Ks. 464,954,411/- bang tawpta a, dawl ni na cieng beh ki zozo pan hi.
Zo Christian Centenary pawipi leh building mabante pen Zo te tawh kisai a hi hi. Tuaziehin Pasien in eihaw khangsungah ei pieh tammi Centenary thupha ih san thei ciet nading in, pe khat pe ni tawh kihal ciet vai. Topa tuciang ka tuntheina nang ma hang hi bo cin Pasien tungah lungdam ko ciet vai. Thungetna, zindona leh Centenary building maban ah piehkhietna tuomtuomte neiciet in, thupha a ngahciet ding in, ihbieh Pasien in thupha ei pieciet tahen. Tam building lamna ah gamsung gampuu a om Zo tate zosie'n, mawhpuohna ih neiciet uh hi. Building golna pen: a vai pi(35) leh adung pi(100) hi-in, dawl(4) sang ding hi. Zo suan tate zosie ki pawlton a, Mission-nasepna phuolpi ding leh hla leh tahsalam ah Zo tate ki lamsang-a kipattah nading a, ki lam ahi hi. Tua ahi ziehin, tam building lamna ah no innkuon in, Pasian leh Zo tate ih khuol na tawh ih hizawhzaza nang ki piehkhiet nading un, Topa min tawh huhna kang ngen hi. Thamloin, ih Piehkhiet zaza, Zo Christian Centenary Magazine Laibupi sungah a omden dingin, ang ki suohsah ding hi.
Zo Christian Centenary building lamna ah a ki hal zo ciet ding in Topa in thupha ei pie ciet tahen Amen.
Zo Christian Centenary thu kai khawm
Pa, Thang Tung Pau(Tung No)
General Secretary, UZO-USA
(FY 2023-2025)
Ph, 317 756 8154
~ FB
.JPG)
.jpeg)
No comments:
Post a Comment
Comments not related to the topic will be removed immediately.