Kuki Innpi hi Nam sunga Apex body ahi leh dinmun ipiti alah dingham

KUKI Nam sunga tribe khat leh khat kah'a kihetkhel na, kiboina aum teng Innpi hi na alang to a cham na asempih ding Innpi table a champi sempeh ding chu ahi. Kuki Apex body hija tribe ho toh rank khat a aum jeh uva eimaho sunga boina aum teng leh champi sem ding um jilou ahi.

Hiti jeh chun Kuki Inpi semhoija hatsah na ding in Pu ST. Thangboi President KNF toh 2021- 2022 kum kipat chun tribe lamkai ho kana kou lhonin Nam politics hat doh thei na dingin Kuki Inpi hi sempha tao te tin kanasei lhonin ahung jousen jong pha asa uvin ahi. Chule Pu PS Haokip, President KNO komah jong kana che lhon in, Kuki Inpi semphat ding thu kasei lhon in, amanjong pha asan ahi. 

Kuki Inpi kivaipoh na danpi (constitution) jong semphat dingin kinop to ahi toh lhonin asemtoh ding leh sempha ding in Pu Dr Athang Vaiphei, Constitution Drafting dia ngense ana hin, ama kithopi ding mi thum toh akilheng doh in ama hon kivaipoh na dan chu avet toh ding uvin ngense na akipe in ahi. Tribe lamkai ho kimupi dingin mi 5 akilheng doh kit in, ama ho chu tribe lamkai ho koma campaign bol in akisol in Election ni leh tribe jouse vote kineisah a vote lhah a hungsoh keidinga temna agagnei soh keijou uvin, tribe lamkai jousen chun pha asa lheh un, avaigei bon ahitai tijong ana um in, akihoupi ho akipah uvin vote lhah ni leh hung tei2 dingin tem na ahinnei jou vin mi hungkim hih jong leh tusanga tamjo tribe lamkai ho chu hungding tahsan ahi laitah in hoija kon ham Kuki Inpi Manipur election notice kihou toh na umlou vin ahungsoh tan, chuphat nin Pu ST. Thangboi koma epitia einin Inpi semphat nadinga sum lakh lakh kisen na election notice eiho het louva soh ham, khah hitin sutoh hite kati leh amanjong phamo asah hintin alolo kilo tavin te tin edonbut in, ngense na kipe tribe lamkai ho jong athase gam taovin, koima hahetsah louvin Kuki Inpi Manipur election ahung kibol in, phungkhai in ahung kilheng doh taovin ahi.

Kagel danna chu Kuki Inpi Manipur hi tribe jousen pan alah thei nadinga Pu Thangboi koma kanaseija sum jong tampi kanapoh doh lhon ahin, hichu Kuki Nampi ka ngailut jeh a Kuki Innpi hi semhoi tei² ding tribe jouse kikhai khom na hisah ding, Vannoiyin ihetnao, Iminsah nao Kuki dihtah sodoh kagot vangin mihon Kuki enemy a igelkhat uham koiman kalunggel ana latapon, akigel bang leh akidoi bangtah a Kuki Inpi hi akisem doh leh janni langa Songpi Lamka khopi boina hohi sohjong sohpon tin, asojong leh Kuki Inpi chair/court a kisei cham ding, kiseitoh ding, unao khat hi na leh jatkhat namkhat hi na hi mang lou ding ahi.

Chunga kahinsei Kuki Inpi semhoi ding deisah jal a achesa a pan ana kilah naho kahinsei nachungah mipin gelma hih unlang, makho a jong Nampi kivaihom na Apex body isemhoi lou uva ahileh phat khat2 leh ikah uva boina ho soh thei kit ahijeh in, avaigei masang in lunggel neikhom utin pan lakhom ute tia temna Jong nahinnei u ahi.

Nasopiu Keima

 SS Haokip

~ NT Admin Box

Source: The Mirror of Kuki Nation

Share: