Zogam : Zosuante I tenna gam pumpi uh Artificial boundary mun thum in hon khen hi. India ah hunkhop kiteng a, i gampam naichik Myanmar gam Artificial boundary ahleng Zomi & Chin tamkhop ki om hi. British te i gam hong lut ma un hiai Artificial bounday te omlou a, i gam uah hausa(Chief's) te vaihawmna nuai ah ki vaipuakte ihi uhi.
Myanmar gam pen India tawh teh in tuantual mahmah ahihna ah a gamsung ua thil Dan pua a sum muhna tam mahmah hi. A gam un thautawi pawl hau mahmah ua, galvan leng ki ningching leh nei hoih thei mahmah uhi. Hiai pen bangdang ziak hilou in Dragon (China) te ziak liauliau ahi hi.
India phualpi solkal ahihleh Dragon tawh ki ngiik tuah leh gen-le-sak beilou in omden hi. Hun paisa et in kidoupi tuahna te bang, Mal-suah(North-east) gam teng laksak sawmna bang, Mobile apps Dragon gam apat tamtak banned na te leh gending tampi om hi. Phualpi solkal leh Dragon kidou sanlai in Dragon te heutupa thugen India phualpi solkal in a theih gige khat ahihleh "Mal-suah aomte ka mi-le-sa te uh ahi" chihpen thei den uhi.
India in Zalenna hon muh nung sawtlou chik in Nam tuamtuam in state ahih keileh India apan Zalenna sual in om sosouh hi. Hiai hunlai in phualpi solkal galvan leh thil dangdang ah development hoih nailou hi. Hiai hunlai mah in gam vai puak didan kilepna dan leh state ngetna tuamtuam gam pumpi ah tam mahmah hi. Mal-suah lam apan inleng state kia hilou phualpi apat zalenna bang ana sual tam mahmah hi.
Zosuante'n le zalenna ana kisual in CLA pat khiatin hon om hi. Zalenna sualna ding in galvan leh sepaih hon poimoh hi. Hiai lai in galvan hoih tamlouh ahihna ah Singtangpa thau tawh movement pat in om hi. Movement pai toutou in Nam sepaih te gamdang ah training di in kuan khia zungzung hi. Movement bangtan hiam omzoh nung in MNF in hon tha kheng ta hi. CLA te training na nungleh paina nungteng zui in MNF in gam tuamtuam ah training leh panpihna ngen in pai kualkual hi. Dragon gam leng va tung uh a hiai ah va paite va lohching mahmah uhi. Amun ah ana unau bawl mahmah mai ua, kam leng siam in friendly mahmah mai uh a, zalenna sualtute chi in ana zahtat mahmah uhi. Dragon te media ah ina zakdan leh atak ah mizia te uh ki gamla mahmah chih te va mu khia uhi.
Phualpi solkal Dragon tung ah heh gige na khat ahihleh Mal-suah bial ateng thautawi pawl peuhmah ana panpih gige pen uh zadah mahmah hi. Phualpi lam apan in bel India suse thei dingte Dragon in panpih chi in Dragon tawh kikoi thei peuhmah unlaw leh banned te puankhum gaihgaih hi. A lehlam ah enkik le hang bangziak a Dragon gamte'n ana panpih uh a chih pen houpen in suut le hang, Myanmar gam buai in mi tamtak hong galtai te i unau te uh chi in panpih theih dandan in ina panpih uhi. Huai bangmah in Dragon gamte'n leng ana panpih uh hilel ahi chi leng dikna khat om veve hi.
Dragon gamte'n ei Zosuante kia hilou in Puansan silhte leh Talpakte bangleng Galvan tawh naktakin ana panpih den hi. Tuni tan chiang inleng amau gamgi leh Myanmar gamgi bul ah thau *AK-47 khat ₹17,000* lel in leisak uhi. Hiai thaute khat maimai Dimapur ah ₹5,00,000 in lei theih a state dang Bihar te natan ah ₹7,00,000 a leitheih in om hi. Ei gam ah bangzah aman diam ah!
Nidang a movement hunlai a i heutute politics banga sang bangin tuhun ah leng sangtak a play hun hi. Dragon gamgi bul apat 17k lel a laktheih ahihleh lampi zongsiam le hang iminkim phetlou galvan tawi senglouh kinei ding hi.
Zosuante'n i hunlui leh kipatna suut kik touhtouh chiang in Dragon omna lam ki tungtou hi. Zhou Dynasty apat in Chiimnuai geltui chi'n ina gen uhi. Hiaite adik chi a ipom dan uh ahi a, Dragon gammi te tawh imel uhle akinai mahmah hi. Atunglam ah ina gelh uh Dragon te heutupa thugen pen dikmah ahihleh tu in eite Tapa taimang chihna kisuak hi. Tapa taimang a Pa kiang ah kik in panpihna ngen leh a Pa'n ana panpihlouh gingtak huailou hi.
Myanmar gam pen India tawh teh in tuantual mahmah ahihna ah a gamsung ua thil Dan pua a sum muhna tam mahmah hi. A gam un thautawi pawl hau mahmah ua, galvan leng ki ningching leh nei hoih thei mahmah uhi. Hiai pen bangdang ziak hilou in Dragon (China) te ziak liauliau ahi hi.
India phualpi solkal ahihleh Dragon tawh ki ngiik tuah leh gen-le-sak beilou in omden hi. Hun paisa et in kidoupi tuahna te bang, Mal-suah(North-east) gam teng laksak sawmna bang, Mobile apps Dragon gam apat tamtak banned na te leh gending tampi om hi. Phualpi solkal leh Dragon kidou sanlai in Dragon te heutupa thugen India phualpi solkal in a theih gige khat ahihleh "Mal-suah aomte ka mi-le-sa te uh ahi" chihpen thei den uhi.
India in Zalenna hon muh nung sawtlou chik in Nam tuamtuam in state ahih keileh India apan Zalenna sual in om sosouh hi. Hiai hunlai in phualpi solkal galvan leh thil dangdang ah development hoih nailou hi. Hiai hunlai mah in gam vai puak didan kilepna dan leh state ngetna tuamtuam gam pumpi ah tam mahmah hi. Mal-suah lam apan inleng state kia hilou phualpi apat zalenna bang ana sual tam mahmah hi.
Zosuante'n le zalenna ana kisual in CLA pat khiatin hon om hi. Zalenna sualna ding in galvan leh sepaih hon poimoh hi. Hiai lai in galvan hoih tamlouh ahihna ah Singtangpa thau tawh movement pat in om hi. Movement pai toutou in Nam sepaih te gamdang ah training di in kuan khia zungzung hi. Movement bangtan hiam omzoh nung in MNF in hon tha kheng ta hi. CLA te training na nungleh paina nungteng zui in MNF in gam tuamtuam ah training leh panpihna ngen in pai kualkual hi. Dragon gam leng va tung uh a hiai ah va paite va lohching mahmah uhi. Amun ah ana unau bawl mahmah mai ua, kam leng siam in friendly mahmah mai uh a, zalenna sualtute chi in ana zahtat mahmah uhi. Dragon te media ah ina zakdan leh atak ah mizia te uh ki gamla mahmah chih te va mu khia uhi.
Phualpi solkal Dragon tung ah heh gige na khat ahihleh Mal-suah bial ateng thautawi pawl peuhmah ana panpih gige pen uh zadah mahmah hi. Phualpi lam apan in bel India suse thei dingte Dragon in panpih chi in Dragon tawh kikoi thei peuhmah unlaw leh banned te puankhum gaihgaih hi. A lehlam ah enkik le hang bangziak a Dragon gamte'n ana panpih uh a chih pen houpen in suut le hang, Myanmar gam buai in mi tamtak hong galtai te i unau te uh chi in panpih theih dandan in ina panpih uhi. Huai bangmah in Dragon gamte'n leng ana panpih uh hilel ahi chi leng dikna khat om veve hi.
Dragon gamte'n ei Zosuante kia hilou in Puansan silhte leh Talpakte bangleng Galvan tawh naktakin ana panpih den hi. Tuni tan chiang inleng amau gamgi leh Myanmar gamgi bul ah thau *AK-47 khat ₹17,000* lel in leisak uhi. Hiai thaute khat maimai Dimapur ah ₹5,00,000 in lei theih a state dang Bihar te natan ah ₹7,00,000 a leitheih in om hi. Ei gam ah bangzah aman diam ah!
Nidang a movement hunlai a i heutute politics banga sang bangin tuhun ah leng sangtak a play hun hi. Dragon gamgi bul apat 17k lel a laktheih ahihleh lampi zongsiam le hang iminkim phetlou galvan tawi senglouh kinei ding hi.
Zosuante'n i hunlui leh kipatna suut kik touhtouh chiang in Dragon omna lam ki tungtou hi. Zhou Dynasty apat in Chiimnuai geltui chi'n ina gen uhi. Hiaite adik chi a ipom dan uh ahi a, Dragon gammi te tawh imel uhle akinai mahmah hi. Atunglam ah ina gelh uh Dragon te heutupa thugen pen dikmah ahihleh tu in eite Tapa taimang chihna kisuak hi. Tapa taimang a Pa kiang ah kik in panpihna ngen leh a Pa'n ana panpihlouh gingtak huailou hi.
~ PHANTOM
.JPG)
.jpeg)
No comments:
Post a Comment
Comments not related to the topic will be removed immediately.