2008 apet SoO ahung ki signed jou’a igam sung’u le i-nam sung’u dinmun

1. Moreh eitih'a Police Commandos ana um khalou. 2012 kum'a pet in chulaiya ADGP Pu LM Khaute, KNO Lamkai PS Haokip le Dr Seilen Haokip chuleh Moreh HTC leader Jangmang Haokip le Chinneivah Haokip in Congress Government lunghol nan anakoilut uve. BJP Government umsungah hin Kuki te khopi Moreh ah SoO groups ho le Tengnoupal MLA Letpao Haokip chuleh HTC hon Biren lunhol nan Meilhei Lengpa Nara Singh Statue lentah le Park thupitah anasempih ve.

2. Saikul lang'ah igam u phabep Imphal police station boundaries sung ah lahlut in ana um'e. 

3. ⁠Manipur Kuki-te history a goulupen Anglo-Kuki War, Anglo-Kuki War Celebration Committee Chairman Jangmang Haokip, KIM President Khaimang Chongloi chuleh KNO leaders Dr Seilen Haokip le (L) Thongsei Haokip (Amitab) in Biren le BJP te lungholnan ana kijoh doh uve. 

4. ⁠Kangpokpi le Saikul ah SoO hon ajiteu MLAs in namphu in asonkai uvin.

5. ⁠Churachanpur Henglep le Saikot ah SoO groups hon asopi aphunggol ho MLA  akeidoh sah uvin.

6. ⁠Chandel le Tengnoupal ah jong SoO groups hon asopi ho bou MLA asondoh uve.

7. Kuki-te khopi jousea building ahoijouse, inmun le lou-mun hoijouse SoO groups lamkai ho'a ngen ahitai. 

8. ⁠SoO groups lamkai 80% abon uvin Haosa akisoh gam tauve.

9. ⁠SoO groups lamkai ho jite, chate le insungmi ho atamjo District Council a Teacher le non- teaching staff a pang ngen ahi tauve. 

10. ⁠Tuchung buisung a Drug business alenjouse SoO groups lamkai ho ngen ahive. Ahin mipikom a sumdon jong ngah tah sang in akhoh cheh in don le kei abol uve.

11. ⁠Tuchung gal sung'a galmi Meilhei ho neh le chah khapih/Blocked bol sang in Kangpokpi District a SoO groups hon highway nom tah in ahonpih uvin. Hichi Highway a SoO group hon gari lheiho a kon asum don doh u Government report a kimuchu 200 Crores akidon doh uve. 

12. ⁠India Government in SoO group hotoh kihou ding'a angense pau AK Mishra in Churachanpur a KZC le COTU lamkai ho kom'a Separate Administration/UT Government in naki pumpih louding u ahi atia asei nung in jong SoO groups, MLAs le KZC hon mipi lhepnan SoO groups ho le MLAs ho huhnan Political Dialogue min in mipi alhem lhem nalai uve.

Maban a mipi hon lungtup molso ding itiu le SoO groups, MLAs chuleh Kuki Inpi, CoTU , KZC ITLF kitiho Lamkai jouse hi igamsung uvapet nodoh angije.

Source: Kuki Liberal Society GHQ

Share: