Zogam, 13 July 2025: Zogam Galkap sungpan Kungfu sin nuam pawlkhat om ahihman in basic bek hi lo in, kiciantak in kisinsuak sak ding hi. Tulaitak pawlkhat in gam vaanna kinei a, pawlkhat galvil in kipai, pawlkhat siamsin in kibuai mah hi. Mipihte’n guahzu-daikaai, nisa nuai, ulsa kaai in ma-apang Zogam Galkapte' a ding thu hong na ngetsak lai un maw!
Tuabang kaal ah, CDF-Tonzang Supporter lampan alai tein uh kimu khat in agenna ah; ZRA te CDF-Tonzang sim (attack) kik ding in hong kuan uh a, July 12 (Saturday) in Mualkawi leh Nakzang kikaal atun uh ciang CDF-Tonzang Zo Galkapte’n Drone tawh na vaidawn uh a, mi 4 pan atunglam in hong nusia cihthu kiza, ci hi.
Tua ban ah, July 10 (Thursday) in zong khatvei hong kuansuk uh a, Drone mah tawh CDF-Tonzang te in na vaidawn ahihman in, nungkik uh, cih 100% thumaan ahi hi. Galvai kigenthei lo, ready sa in CDF-Tonzang te ki om den, ci in zong genbeh lai sawn hi.
©Zogam Insight
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.