KZC chung a hethiemlou um ho hilchetna

1. Delhi Press Conference cancel chungchang

Delhi a MHA toh KZC kimutuo na masatpen chu DGAR in line ei siempih uh ahi e. Ama initiative na jal in MHA toh KZC chu kimaituo in houlimna a kinei thei in ahi. Hinlah, National Media ah nasatah a MHA toh KZC toh kihouna chu publicised a hung hi phat in, DGAR chung agih in ahi. A jing a Press Conference nei kit ding hi leh ama chung gih val ding ahih jih in request ahin bol ngutngut in, cancel mai uvin kei a ding in a nomta poi a ti jih chun, pilhing leh pilhing kihouna ti in aki cancel tai. MHA toh KZC meeting chu national media a nasatah a kisuo doh thou ahi nai, ti in akigel in ahi. 

2. Rally cancel chungchang

KZC in nation wide rally a ki bol gut lai chu Manipur a President Rule umtil chu ahi. Govt gel dan a chu PR kikoi jou a protest a um pai leh melse ding ahi ti ahi. Hichi jih chun MHA in KZC request a bawl in, kiphinna rights na nei uve, hinla tu hun volatile mama ahi jih in na rally u chu cancel uvin lang, kei ho na gam uvah nang ho toh kihou ding in hung na uving e a ti vin ahi. Hutichu ahi phat in akigel in cancel akibol tai. 

Het ding chu, rally ham protest ham i nei phat ule govt attention kingai cha ki bol ahi. Tu a chu govt in attention ei pi uvin, 13 March 2025 ni chun MHA official ho Lamka a hung uvin, ei ho jong district chuomchuom a kon in lamkai ho toh MHA officialte toh akitou khom in ahi. Rally chu ki cancel ta jong leh i tup chu lolhing thouthou ahi e. 

3. Public Consultation cancel chungchang

Lamka a KZC Public Consultation ki cancel chungchang hi i hetsuoh kei uh ahi. Thingnuoimi a hung involve ahih jih in a hui nun dan a nom ta poi. UKNA in thu khat ahin suo in, a jom in KNO in ahin suo kit leh, program ki bol teitei leh anomlou khat um kha inte tia chu ki cancel ahi tai. 

Thil umdan ho hi i hetthiem tah uh ka gingcha e. KZC in jong decision hahsa tahtah a hoi leh pha jo ding gelna a ana lah ahi in, ki oimo na ding behseh a um poi.

Share: