ZPCS Condolence Programme: Robert Thangminlian | Zoveng ~ KHALVONTAWI - Voice of the Voiceless from Northeast India

ZPCS Condolence Programme: Robert Thangminlian | Zoveng

ATANCHIN TOMKIM

(L) Tv. Robert Thangminlian ahihel Pu M. Lunkhoneh leh (L) Pi Tinzahoi te goutan unau 8 laha a 7 na ahia, May 01, 1983 in Zoveng, Zenhang Lamka ah ana pieng hi.

A pienpi sanggamte ahihel:

Pa Jamkhopau
(L) Pa Tongkholal
Upa Lunminthang
Tv. Gary Thangkholian
Pa Mangkholun
Pa Khailiankhup
Nu Nemneichong

Aman kum 2009 in Delhi University nuoi a Dayal Singh College apat in BA ana zoukhie hi. Kum 2019 in IB nuoi ah contract in Delhi International Airport ah kum 2 sung anA sem hi. Ama ahileh mi pawl nuomtah, kamtamlou hinanleh nasep-silbawl a tawmgaisuo zou gige khat ahia, tulaitah in zong ZYO Zoveng Unit a Finance Secretary leh ZSP GHQ a Information Secretary hina atuh laitah ahi. Hattoum sung ah zong Khanglai nasepnate ah thanuomtah a pan nala zing khat ahia, kum tampi Choir member a ana pan banah committee member in zong ana pang a mikipezoutah anahi hi.

Kumpeisa August 14, 2024 in a natna Leukemia (Blood Cancer) ahidan kitheihkie in 16th August ni in Doctor hoizaw lunggulna toh AIIMS Delhi lam ah a ki enkolsah dingin ana peih hi. Doctor etkolna nuoi a Delhi mun a kep thei dandan a kikemtou lai, Nilaini peisa zan a hing buosie in, a it leh ngai teng nuosie ahing na muolliem santa hi. Hattoum in aki-ki it in aki suun mama hi.