Mental illness ichih eipau in Lungsim natna ahi, hiai ataktak ahihdan ngaihtak a taangkouna ahi a, khotaang ah lungsimlam ah chidamna kisam ahihdan puanzaakna ahi. Himahleh, Suicide i chih doudaal theih ahi.
Huaiziak in, lungsimlam a tawl luatna leh bahna nei a, mangbat leh chihmohna nei a, lametbei kisa a, mahni kisuksiat utna lungput i neih leh panpihna zong diing ahi. Huaibang lungput mi anei i theih leh, panpihna kawkmuh ni.
Khovel haksa ahihman in, hinkhua ah thil huaise pipi, kuamah hon phawkpih ngellou leh mi hon theihsiam theih di thil hilou hunkhop tuak sek i hihman un, panpihna zon poi sa kei ni. Taksa a i nat chiang ua le, a phattuamna dia pan i lak sek mahbang un, lungsim a i nat chiang unleng, iim chimit sawm mailou in panpihna zong ni.
Hon ngaikhia a hon theisiam di kuahiam kigenkhiakna di i neih leh hamphat huai ahi. Huchi kawmkawm in, suahtakna lampi hon kawkmuh thei dia huailam a sinna leh siamna neite toh houlimna (professional counselling) manpha law diing hi. Apoimoh leh psychiatric damdawi leng nek diing ahi.
*[Dam ut a kihoupih ut hiam Counselling poimoh kisate'n hiai number ah appointment lak theih gige hi Contact no. +91 98923 16430 ]*
~ W/A
.jpeg)
No comments:
Post a Comment
Comments not related to the topic will be removed immediately.