Eimi thalchoi ho koima govt sepai kap ding ti iumpouve kapna ding thu jong aumpon, govt douna natong jong iumpouve.
Govt sepai kapna ding natoh nei jong iumpouve hijong leh thal choi ho chu govt sepai in atokhah leh akap teiding amat teiding hikit ahi.
Thal choi hon govt sepai kap ding thu umlou hijongleh iham tia eihin hol uva mat tei ding thatei ding eitiu leh lekap tei tei ngaikit ahi achutilou le einoise pai paidiu phatsih a eidel del jengdiu ahi.
"We are not against India or Indian security forces" ti ho jochan a isap phong jingdiu Indian miho ihetsah jingdiu angaije.
India mi ahideh a Kolvom ho lunggel chu thal choi kitipou pouchu govt dou ding dan a agel u ahi.
Pathen phatecha hou jeh a or penthah jeh a gaal mi kap lou ding ti aumpoi, gaal manchah choi khat chu mipengthah hijong le chun gaal mi ahitengleh nakap tei tei ngai ahi.
Gaal mi tha chu chonset hilouhel ahi. Thadinga lom khat natha chu chonset ahipoi eimiten vang inam sunga imi isa thadinga lom lou tampi ithat uvin ikhut uva thisan adimset e.
Eimi ho penthah hi gaal mi chan gei lungset ding ti tabang ahin het na lhahsam jeh ahi.
Eimi sunga eimi police or uniform service a umho chule SoO ho hi govt mi ahiuve ti het angaije. Amaho hi atoh mun dung jui or apan mun dung jui tiding ahijengin moh oimo thei ahipon amaho a kon kichih thei jep ding joh ahi.
Achaina in SA hi ilungtup u anahipon tunia hi aloutheilouva isei u ahitan nungchon machon thu umthei talou kimuponte or kimunante tiho seiphat jong ahitapoi.
SA na mulou le nang leh nang nakikhailih chu phajo ahitai. Misoh a pan sanga kithidoh chu phajo ahi.
Mipi movement beija SA thu sei sei tapouhite kum niho hung che be leh ithip mang jel diu tunia itaimo kei u isap set jing kei u Lamjathang tabang tampi ihung kisep doh diu ahinalaije.
Democracy gam sunga mipi voice tilou achepoi ti het tei angaije.
~ Jangmang Haokip, Freelance Journalist
WAP
.jpg)
No comments:
Post a Comment
Comments not related to the topic will be removed immediately.