Jesu'n Mun Sangpen Tangden Ta Hen | Rev Khaikhanthang (1957-2020)

1. Tanglai i pu leh i pate in,

Pasian theilou zu leh sa ne in;

Khuang leh zam leh daktal toh thuah in,

Phibiphu phibiphu chi in;

Nuamin lam uh hi i vangkhua ah.

(L) Rev. Khaikhanthang

Chorus:

Haleluizah chi'n zaila sa ni,

Pasian hehpihna i chiam panta;

Sagual pheikhai pheikhai e chi a,

Pu leh pate lamtual kaihna mun ah;

Jesu'n mun sangpen tang den ta hen,

Nuam in phat ni Haleluiah chi in.

2. Tanglai i pu leh i pate in,

Pasian theilou gal leh sa ai in;

Dialvom dialsan leh dialkang khai in,

Kathang e vom muai e chi in;

Hanla sa in songlai phut uhi.

3. Tanglai i pu leh i pate in,

Pasian theilou dawi leh kau bia in, 

Vok leh ak leh bawng leh sial zangin,

Phia nemnem phia nemnem chi in;

Aknel awh in a kithoih uh hi.

4. Tanglai i pu leh i pate in,

Pasian theilou taang leh sa ai in;

Dialkhim tukpak leh sawnkai tuan in,

Luivazem nou tual tawn bangin;

Namsau lam in dailam kisuan uh.

~ Rev. Khaikhanthang (1957-2020)

🙏🙏🙏🙏🙏🙏🙏

Share: