Rev Kam Cin Hau @ Sia Kam Hau

I zahtakhuai sia kamhau pen Nahnuai khua mi hia, 22 Feb 1963 in piang hi. Tan 10 a tunma in Pasian nasem dingin ki pumpiak a, sangkahna nusia hi.

Pasian nasepna ah haksatna tampi thuak in, citaktak in nasem hi. Aug 31, 1987 ni in cina in si hi. Vantungah kahto a, Topa tawh ki ho in thusim tampi va mukhia hi. Topa kiangah leitungah a ma na a septheih nading ngen a, tuaciangin hong nungtakik hi.

Tua pan kipan thuman citak takin Pasian na sem hi. Gamtat kampau, nekledawn ki kem mahmah hi.

Siapa in pulpit tungpan ciamnuih gen lualua ngeilo hi. Gamvai leh minam vai (politics leh nationalism) te a gen lam kiza ngeilo hi.

Nekledawn ki deek mahmah a, a giltui keukau na mu ngeikei ding hi. Tedim ah crusade a bawllai in an nelo in, singgah le tui khawngbek dawnlel hi.

Vanzat te ah ki cua ngeilo hi. Mite lovegift piak a gen tamhetlo hi. Mandalay a biakinn nangawn online sungah muh ding (a ma official FB te ah) omlo hi.

Gam sung gampua ah zin kawi" a, zomi bek hilo minam tampi in a zahtak mahmah sia pa a hihi. Bible story a genciangin a mahzah in a zaknop dingin a gensiam tamlo ding hi.

Pasian sathau nilhna tawh Pasian lungkim nadingin nasem a, tuin kum 60 val deuhpan hi. Topa Jesuh hong paikikpen hingtang in a dawn dingin a ki lamen a hihi.

Maban tampi neilai a hihmanin Topa'n i minam le i gam aading a ma geelnate siapa tungtawn in tampi hong tangtungsak lai ta hen. Amen.

~ Zomi Lens

Share: