LAMKA, Nov 3:* Young Paite Association (YPA) Khominthang Unit in zan nitak in zu hunkhop man in hihsia uhi. YPA C-in-C M Thangsuanmung in a gendan in, ni tamlou paita in Khominthang sung ah zu zuak om ahihdan theihsuah ahihnung, YPA Khominthang Unit in Sector 2 a om Khawlgouchiin w/o Gousuanmang Inn mun ah Local zu leh zu sante a kigawm in Zu 150 Litres mankhia chi hi.
Khawlgouchiin ahihleh zuzuak ziak a YPA Office ah nihvei sap hita a, warning leng thum vei pekhin mahle uh, gamtang teitei ahihman in thununna piak in om hi.
Thununna bang in Khawlgouchiin leh a
innkuante Nov 2, 2025 apan kha 6 sung thununna piak
hi a, hiai hunsung a nuam a haksa a tuah uh leh YPA in inntekna lalou ding hi.
Kha 6 sung mah a gamtat khawlsanlou a matkhak ahih nawn leh a inn-le-lou kalhsak hiding a, kuamah khase theilou ding uh chi uhi.
YPA Khominthang Unit in Mun-le-Mual project bituk nasatak a paipih lai ua vengsung ah hiai bang khamtheih zuak a kipeina a om poisa in mohpaihna sangpen in mohpaih uhi.
YPA in khotang hoihna ding a panlakna a neihte
zahtak lou a matkhak a om leh action lak a om bangbang khase theilou ding uh ahi chi uhi.
G Nengdouthang, Adviser YPA Khominthang Unit inleng a genna ah, khamtheih mat a omte mukha peuhmah in Khominthang sung ah khamtheih zuak phallouh ahihdan thei a, Khominthang sung ah huchibang thilchin hihsawm theitei lou ding in a kisaipih kuapeuh kiang ah ngetna leh theihsakna bawl hi.
©Lamka Times
Khawlgouchiin ahihleh zuzuak ziak a YPA Office ah nihvei sap hita a, warning leng thum vei pekhin mahle uh, gamtang teitei ahihman in thununna piak in om hi.
Thununna bang in Khawlgouchiin leh a
innkuante Nov 2, 2025 apan kha 6 sung thununna piak
hi a, hiai hunsung a nuam a haksa a tuah uh leh YPA in inntekna lalou ding hi.
Kha 6 sung mah a gamtat khawlsanlou a matkhak ahih nawn leh a inn-le-lou kalhsak hiding a, kuamah khase theilou ding uh chi uhi.
YPA Khominthang Unit in Mun-le-Mual project bituk nasatak a paipih lai ua vengsung ah hiai bang khamtheih zuak a kipeina a om poisa in mohpaihna sangpen in mohpaih uhi.
YPA in khotang hoihna ding a panlakna a neihte
zahtak lou a matkhak a om leh action lak a om bangbang khase theilou ding uh ahi chi uhi.
G Nengdouthang, Adviser YPA Khominthang Unit inleng a genna ah, khamtheih mat a omte mukha peuhmah in Khominthang sung ah khamtheih zuak phallouh ahihdan thei a, Khominthang sung ah huchibang thilchin hihsawm theitei lou ding in a kisaipih kuapeuh kiang ah ngetna leh theihsakna bawl hi.
©Lamka Times
.jpg)
.jpeg)
No comments:
Post a Comment
Comments not related to the topic will be removed immediately.