12.12.2025 (MSR) : Nimin khan MLDB hmalakna kal zelah Indian Constitution 8th schedule-a Mizo tawng telh a nih theihna tura hmalak dan tur chungchang MSU, CYMA, MZP hruaitute leh 8th Schedule study group te'n an sawiho.
Pu Lalsangpuia, 8th Schedule Study Group Convener-in thutkhawm a kaihruai a, Dr. H. Laldinmawia, HoD, Mizo Deptt. Pachhunga University College hnen atangin 'Mizo tawng, Mizote tawng' tih thupui hmangin Powerpoint Presentation ngaihthlak a ni a. Mizo tawng than chhoh zel dan te, hnambil tawng hrang hrang a ral mai loh nana hmalak a tulziate, khawvel puma Mizo tawng hmangtu an pun zel zia leh Google translate-a khawvel pum tawng 24 an thlan chhuah zinga Mizo tawng a tel ve hi a ropui takzet thu ngaihthlak a ni.
Dr. Zoramdinthara, HoD Mizo Deptt. MZU hnen atangin 8th Schedule chungghanga hmalak tawhnate leh zirchianna hrang hrangte, Schedule language hian Zohnahthlak tawng dangte a rahbeh loh thu te, Schedule language-a awm tawhten an hnam nihna an hloh loh zia te, hamthatna an hmuh nasat zawk thu leh chumi tura inlungrual a tulzia a sawi lang bawk.
Pu Lalthawhsaka Fanai, ECM, MSU General Headquarters chuan 8th Schedule-a Mizo tawng dah tha an tih zia leh NGO zawng zawngte nen tangruala hmalak a tulzia te, MSU chuan a tawp thlenga an thlawp tur thu a tarlang.
Prof. Malsawmliana, General Secretary, CYMA chuan CYMA-in 1996-a an rel thluk tawh leh hma an lakna kalmek a nihzia tarlangin Central lama hotute hnenah a khat tawka lehkha an thawn reng thu te, kuminah pawh Governor hova India Prime Minister hnena an thlen thu te, Union Home Minister hnena an thlen thu te a tarlang.
Dr. C Lalremruata, President MZP chuan 8th schedule chungchanga hmalakna hrang hrang hi tha an tih thu a sawi bawk. Pu R. Lallianzuala, Chairman,MLDB-in lawmthu sawiin thutkhawmna tihtawp a ni.
Soruce : LPS News
Pu Lalsangpuia, 8th Schedule Study Group Convener-in thutkhawm a kaihruai a, Dr. H. Laldinmawia, HoD, Mizo Deptt. Pachhunga University College hnen atangin 'Mizo tawng, Mizote tawng' tih thupui hmangin Powerpoint Presentation ngaihthlak a ni a. Mizo tawng than chhoh zel dan te, hnambil tawng hrang hrang a ral mai loh nana hmalak a tulziate, khawvel puma Mizo tawng hmangtu an pun zel zia leh Google translate-a khawvel pum tawng 24 an thlan chhuah zinga Mizo tawng a tel ve hi a ropui takzet thu ngaihthlak a ni.
Dr. Zoramdinthara, HoD Mizo Deptt. MZU hnen atangin 8th Schedule chungghanga hmalak tawhnate leh zirchianna hrang hrangte, Schedule language hian Zohnahthlak tawng dangte a rahbeh loh thu te, Schedule language-a awm tawhten an hnam nihna an hloh loh zia te, hamthatna an hmuh nasat zawk thu leh chumi tura inlungrual a tulzia a sawi lang bawk.
Pu Lalthawhsaka Fanai, ECM, MSU General Headquarters chuan 8th Schedule-a Mizo tawng dah tha an tih zia leh NGO zawng zawngte nen tangruala hmalak a tulzia te, MSU chuan a tawp thlenga an thlawp tur thu a tarlang.
Prof. Malsawmliana, General Secretary, CYMA chuan CYMA-in 1996-a an rel thluk tawh leh hma an lakna kalmek a nihzia tarlangin Central lama hotute hnenah a khat tawka lehkha an thawn reng thu te, kuminah pawh Governor hova India Prime Minister hnena an thlen thu te, Union Home Minister hnena an thlen thu te a tarlang.
Dr. C Lalremruata, President MZP chuan 8th schedule chungchanga hmalakna hrang hrang hi tha an tih thu a sawi bawk. Pu R. Lallianzuala, Chairman,MLDB-in lawmthu sawiin thutkhawmna tihtawp a ni.
Soruce : LPS News
.jpeg)
.jpeg)
No comments:
Post a Comment
Comments not related to the topic will be removed immediately.