SANGLAI KITUNG!!

By:

L. Seikholen Khongsai 

LEISET a jat le Nam umho hin ama ama chonna dan le mol, khankho nunkho le chepi dan anei soh kei ahi.  Kuki te jong vhon le khan bulhingset leh kittup tah neite ana hiuve. Masanglai Christian Sakho anapom masangun Doiboi ana khaijun Doibom a kon vhun Pathen ana houjiuvin Saning ana hengun kithoi kisem ana bol jiuve. 

Hiche chon na lah a chun Salai Kitung thu jong hi khat ahi. Tukhang Vhristian ihubg hiuva pat a hitobang chonna hohi idalhah phat uvin tulai khangthah ten masanglai Kuki te chonna hohi janmang tobang in agel tauvin het ding jong agel pouvin poimo jong asah tapouve. Hinlah leiset a koijat koi nam hileh achondan akhandan kihet lou hohi agammang tobang ahitauve ti isuh mil lou diu ahi.  Hijeh chun hiche Sanglai kitun thu jong hi het louva poimo chondan khat ahijeh a khangthah lekha sim hon ahet diu deina a kahin sut khoh khoh ahi. 

Masanglai Doibom khailai ipu ipi te lah a mipi lhingset  chuin thina ana to tah leh  ama chu tulai banga kikoh vui jeng lou ahi. Amapa amanu chu Sanglaiya ana tun jiu ahi. 

 Sanglai kitun lona jeh chu :

1.  Masanglai pu le pi te chun dammona ananei uva, adammo na a kona damdoh lou dinga ana kiginmo teng uleh, thusei thei lasa fhei ahipet uva chu, kathi tengleh ama jong nahin kou, ama jong nahin kou diu tia a insung mite koma ama thi op dibga adeisah jouse aminphah a tepna anannei jiu ahi. Amin phah vhengse thijin kouva che hon aga kouva ahung lhun kim kahseuva athilong chu kivui jilou ahi. A insubg miten jong angailut jeh uva asei thu apal keh peh jilou u ahi. 

2. Masanglai chonna khat ahi ban a athipa athinu chu asopi a-u, anao,  angailu cheng  ho jouse hung lhun kah a kivui thei lou ahi. 

3. Tulai banga Kangnei (Gari) a lhaile le a gangchal a kikou loichal nathei hilou ahi. Asopi khat chu mun gamla tah a jinei doh a, munchom gamvhom a cheng ho jouse kou dinga thijin kou ana sol jiu ahi. Thijinkou ho hung kile a, akikim kahseuva mithi chu kivui thei lou ahi.  Gamla tah a vheng ho hung vailhun nadibga ni nga ni gup jong lut ji ahi. Ijem tia thijin kou ho ahung lhun kim a thu ahin poh dung jui uva, ajin kou hou ahung jou louleh hubg theipon te ti thulhut amu jou teng leu thilong kivui thei bep ahi. 

4. Chonpi chon te bol jousa ho athi tengu leh Sanglai a thupi tah a kitung ji ahi. 

5. Haosa len athii a Haosa pi athi leh  Sanglaiya kitung ji ahi. 

6. Nunao chapang  kum lhing lou vang Sanglai ah akitung ngai poi. 

SANGLAI KITUN DAN 

1. Sanglai dinga Go ki eh keh a lhe banga kiimet a chule akingaina ding Pheh vang banga kisa a hiva chu kitousah a kikinubg ngaisah ahi. 

2. Athinu thipa mit sin louna dia amit a Nangdang kikam peh a, patchom chu amit mul dinga jisem peh ahi. 

3. Numei ahileh asam aponamsel peh uva aluvel a apheh peh uva avel kol jiu ahi. Pasal ahileh delkop akop peh jiu ahi. 

4. Atouna akona alhuh louna dia alol le a op a ponlhe kikhit a anung lang bang toh kikan beh ji ahi. 

5. Sanglai chunga akivon nafdng chu adam laija adeipen pen von khat a ana von jiu ahi. 

6.  Athinu athipa chu Sanglai a kitun masanga kisil thengsel ji ahi. 

7. Sanglai a kitousah hin angailu cheng ahubg vailhun u anga jing ahi ti vetsahna ahi. 

8. Athipa athinu to chu Kolbu koma asin peh jiu ahi. 

9. Sanglai chung dontah a kh inkam a kona u Dahpi khat kikhai lha a, ahubg vailhung jousen dahpi vhu achup jiu ahi.

****

Share: