Z W M | Zo Women's Movement
Date: 21 Jan 2026
MIPI KIANG A NGETNA
Kou, Zo Women-te'n, sanggamnu Nengtinlhing Haokip sihna toh kisai a social media (Whatsapp, X, Instagram etc) channel leh group tuamtuam a ngohna dik lou leh belhchian dawllou thu tuamtuam thehzaak a, sanggamnu thuakna/thiltuah leh haksatna bangmah lou suahsak sawmnate nakpitak in ka mohpaih uhi. Banah, poisakna bei a sanggamnu nungchang soiselna leh huai toh kizui political agenda nei a thuvekna leng ka mohpaih uhi.
I sanggamnu uh Manipur buaina kipat chiil lai kum 2023, May kha a Imphal a Meitei-te khut a sualluihna (sexual violence) thuak a hong suakta khat ahi. A thuakna tangthu nulmang sawmna, kitheihmohbawl sawmna, khek lamdang sawmna leh politicise sawmna pen amah tung a thagumsuahna (violence) behlaptu leh a tung a dikloutak a gamtatna (injustice) behlaptu ahi.
Sanggamnu thuakna leh tangthu ngaihnep sawmna ahihkeileh sualluihna thuaktute niammuh sawmna thuvek, thuzuau leh thiltupte ka pomthei kei uhi. Hichibang thu kivekte in sualluihna thuaktute liamma damthei lou a koih in, athuaktute paungam lou a koih in, thudik-le-tang liahkhuh in, sualluihtute a hum hi.
Hiai toh kisai a nial vual louh thudiktak kitheihmohbawl kei ni: i sanggamnu uh muhtheih leh muhtheih louh a thuaknate ziak a a liamma damthei loute banah lungphawnna leh launa/diipkuatna thuak zou lou a si ahi hi. A thuakgimna pen a tung a thagumsuahna tan kia a bei hi lou in, a thuakna ngaihsak louhna, thudik lou a heikawina, leh gintak ut louhna chihte in a thuakgimna behlap ahizaw hi.
Sexual violence thuaktute mohsakna thuvek chi tuamtuamte nialkalh diing, thudikna leh mihinpihte khualna toh pilvangtak a gamta/kampau diing in mimal chih leh pawi tuamtuamte ka hon ngen uhi. Hiai thu pen politics vai ahi kei a, nam vai leng ahi kei hi. Tua sang in thagumsuahna in a piansak diipkuatna toh kisai, banah athuaktu a ding a thudik a vaihawmna a om ding deihna toh kisai ahizaw hi.
Sualluihna thuaktute ZoWomen in thuakpih, dinpih in, nungthuap gige hi. Sanggamnu thiltuah/thuakna nulmang, thudik lou a heikawi, ahihkeileh galvan a zat diing ka phalthei himhim kei diing uhi.
Issued by:
Zo Women's Movement
Date: 21 Jan 2026
MIPI KIANG A NGETNA
Kou, Zo Women-te'n, sanggamnu Nengtinlhing Haokip sihna toh kisai a social media (Whatsapp, X, Instagram etc) channel leh group tuamtuam a ngohna dik lou leh belhchian dawllou thu tuamtuam thehzaak a, sanggamnu thuakna/thiltuah leh haksatna bangmah lou suahsak sawmnate nakpitak in ka mohpaih uhi. Banah, poisakna bei a sanggamnu nungchang soiselna leh huai toh kizui political agenda nei a thuvekna leng ka mohpaih uhi.
I sanggamnu uh Manipur buaina kipat chiil lai kum 2023, May kha a Imphal a Meitei-te khut a sualluihna (sexual violence) thuak a hong suakta khat ahi. A thuakna tangthu nulmang sawmna, kitheihmohbawl sawmna, khek lamdang sawmna leh politicise sawmna pen amah tung a thagumsuahna (violence) behlaptu leh a tung a dikloutak a gamtatna (injustice) behlaptu ahi.
Sanggamnu thuakna leh tangthu ngaihnep sawmna ahihkeileh sualluihna thuaktute niammuh sawmna thuvek, thuzuau leh thiltupte ka pomthei kei uhi. Hichibang thu kivekte in sualluihna thuaktute liamma damthei lou a koih in, athuaktute paungam lou a koih in, thudik-le-tang liahkhuh in, sualluihtute a hum hi.
Hiai toh kisai a nial vual louh thudiktak kitheihmohbawl kei ni: i sanggamnu uh muhtheih leh muhtheih louh a thuaknate ziak a a liamma damthei loute banah lungphawnna leh launa/diipkuatna thuak zou lou a si ahi hi. A thuakgimna pen a tung a thagumsuahna tan kia a bei hi lou in, a thuakna ngaihsak louhna, thudik lou a heikawina, leh gintak ut louhna chihte in a thuakgimna behlap ahizaw hi.
Sexual violence thuaktute mohsakna thuvek chi tuamtuamte nialkalh diing, thudikna leh mihinpihte khualna toh pilvangtak a gamta/kampau diing in mimal chih leh pawi tuamtuamte ka hon ngen uhi. Hiai thu pen politics vai ahi kei a, nam vai leng ahi kei hi. Tua sang in thagumsuahna in a piansak diipkuatna toh kisai, banah athuaktu a ding a thudik a vaihawmna a om ding deihna toh kisai ahizaw hi.
Sualluihna thuaktute ZoWomen in thuakpih, dinpih in, nungthuap gige hi. Sanggamnu thiltuah/thuakna nulmang, thudik lou a heikawi, ahihkeileh galvan a zat diing ka phalthei himhim kei diing uhi.
Issued by:
Zo Women's Movement
.jpeg)
No comments:
Post a Comment
Comments not related to the topic will be removed immediately.