Nagaland a Kuki ho hi 1993 gaal lai chun milhom ahijeh uvin thachimit thei dinga ana um jeh uvin ama ama area sunga mitam ( Nagaland Nagas) ten lungthim thuh tah a agam u analah pih u ahitai tichu sei bai pen a isei u ahin atahbeh jong anahi ahitai.
Kumsih le land tax per household a lhomcha cha (kahet khel lou leh dangka 10) hi apeh jing diu hiche apeh laiseuva khang ijat hijongleh koimachan Kuki ho chu anodoh theilou ding ti hi anahitai.
Gaal itabang umjongleh ama ama area sunga mitam ten ahuhdiu athatding amanding ho a kon aventup diu tiho jong anajao ahitai. Hiche ho jeh a jong anahing gal kai u tithei jong ahiuve.
Kuki ho thachimit dinga plan sem.loi ahuh doh beh kisa a agam u lah pih loi umdan ahiuvin chujeh a 1994/95 vel a kipat Kukite chu officially a Nagaland sunga gam neite hitalou ahitauve.
Chunga ki minphah lou dan chepi dang dang ho jong agam neite dei dung juija amacham a umtei ding tina jong ahitai.
Hiche kasei pen hi eimi ho nop natah ( nop natah ti mai jengu hite) a soi anakai u ahitan tununga alhap je umbehseh lou ahitai.
Nagaland context a chu Kuki akiti leh Manipur langa bah tampia kikhen ho jouse kiseina ahi.
Nagaland Kuki ho din mun neokhat khat kahet kahinsei ahi seikhel aumkhah le kahet lhing lou vin neilah pih tauvin.
Jangmang Haokip, Freelance Journalist
~ WA
.jpeg)
No comments:
Post a Comment
Comments not related to the topic will be removed immediately.