JNU Delhi hoihna

JNU New Delhi  

                                                                                             - Mangneu Thangkhal, JNU

          Jawaharlal Nehru University, New Delhi ah 2010-11 session, course tuamtuam zilna ding form kihawm panta hi. March 15 tana submit  ding ahi. Entrance test exam May 17-20 sung in centre 51 ah om  ding hi.                                                                               

BA(Hons): Arabic, Chinese, French, German, Japanese, Korean, Persian, Russian, Spanish

MA/Mphil: Economics, English, Linguistics, History, Pol.Sc, Sociology, Geography, Philosophy, International Relations, Social Medicine, Arts&Aesthetics etc.  

M.Sc/Mphil: Biotechnology, Life Sc, Chemical Sc, Physical Sc, Environmental Sc etc.  

Thuachianzaw www.jnu.ac.in ah et theih di hi.            

 Why or Why Not JNU?     

JNU hoihna point-te:                                 
 1.Course fee omlou.  Admission fee - Rs. 108/175 per semester( i.e. 6 months)  
                     

2.Hostel facility – Delhi aomte chihlouh student teng phial  in hostel mu. ST-te’n mu teitei. Khaguk a hostel fee Rs. 260/300 chauh ahi.      
    

3. Anhuan/kuanghep ngailou. Mess fee kha khat a Rs.950-1400 kikal piak di chih ahi lel hi.               
4. Scholarship BA/MA te’n khasialin Rs.1500 mu. ST teng phial in MPhil ah Rajiv Gandhi Scholarship Rs.12000, PhD ah Rs.14000 mu uhi. Tua muloute’n zong MPhil ah Rs. 3000 leh PhD ah Rs. 5000 university apan mu uhi. 
   

5. Delhi simlam a gammang 1000 acre  touphah ahih ziakin laisimna dingin nuam mahmmah hi.   Hichibanga hamphatnate ziakin JNU pen mi tamtak lunggulh ahi. Pu Nehru vission dungzui a gamsunga “policy maker”, ding “intellectual group” siamkhiat di tupna ana kiphut ahih dungzuiin JNU a pana course zou tamtak India gamsung leh pulam ah lamkai tallang in pang uhi. Research lam ki-uangbawlna leh national/international issue tuamtuam open debate/discussion om zing na ahih ziak in sinlaite lungel tanzau sak hi. 

Khal Vontawite zong tampi i lutbeh ding uh deih huai mahmah hi.                                                        

            Hichibang kawmkalah JNU a course omte apply masangin kingaihtuah masak ngai pawl om hi. Tulaia course kithang leh job oriented mahmah pen Foreign Languages ahi. A course-te ahoih tangpi chiat ua BA hoihtaka zoute’n sepna muhhak salou ua khaloh zong hoih huntawk, Rs.20000-30000 lak ah kipan hi. Central service gelh utte adi’n zong graduate level khat peuhpeuh gelh theih ahi. Hotel management, tourism, hospitality leh MBA bawl utte ad’in zong foreign language pen added advantage ahi zing hi. Tuabanah UN agencies, embassy, NGO-te a zong sepna muh theih hi. Teaching lam lunglutte’n MA,MPhil/PhD bawlnungin private banah Government  college/ university-te ah ST quota lametna om hi. Ahi’n, foreign language zil mi kim bawl theih hilou hi. I neu a pat a i na zakkhak ngailouh ham khat va zilthak silbaih hilou ahi. Ei lamte Chinese/Japanese/Russian/Arabic etc. zil a course zoulou a tawp hunkhop ana om khinta hi. French, German leh Spanish te’n Roman(English) Alphabet azak ziak un nuam deuh hi.  Adiakin Chinese leh Japanese hamte alaiteng uh ak thaitek mah bang bialbuala theih hak mahmah hi. Alim a gelhthoh asanga sim om a, word khat maimai in zong stroke(git) 20 val nei thei tazen hi. Banah foreign language zil tamzawte private company a sem ahih ziak un government a mah chi tantante’n subject nadante mah bawl mai ding ahi.

                                                Ahi’n i lunglut nakleh course haksa lezong ahahpante adi’n zohlah di hi tuamlou hi.  Mi genhat leh kiman chih ziaka ei career va suksiat louh ding sil poimoh tak ahi. Lunglut taktak ing na chih a na apply sawm ngal leh a guide book leh back question paper-te lei inla hoihtakin kisingsa in. Kitaidemna khanga teng i hi chih manghilh ke’n. Tuachiloua a min maimai a piak pen sum senthawnna suak lel di hi.Prospectus - Rs.200, exam fee subject khat a Rs.65  mi khat in subject 3 piak theih ahi. Na lunglut leh amaimai hilou in ataktak di’n kisingsa in.  Wish you all the best!            

Share: