UZO & JNC: KHANGTHU

UNITED ZOMI ORGANISATION KHANGTHU (1954-2004)

Amasa in UZO Executive Committee in UZO Golden Jubilee toh kisai a Taangthu sut diing a ang angsie jieh in member zousie leh Zou mipi kung ah kipahthu i gen masa hi. UZO taangthu i sûtna dîng ah kimsitset a sut theilou dîng i hijieh in dahuoi i sa uhi. Vangsiet huoitah a Pu Thangkhanlal in Ang kâh in i record bu uleh i neitâh uh tampi a kâhtumjieh ahi. I kingaisiem uh ka hing ngen masa hi

JOU NATIONAL COUNCIL (JNC) 1954-55

Kum 1953-54 hunlai in Phaipi (Imphal) khosung ah Laisim in Pu Semkhopau, Pu T. Thonghang, Pu Kaizakham adg. ana um uhi. Tua hunlai in India kumpi in Tribe Recognition hun a honlai ahi.

Midangdangte’n achi-anam uh huitupna ding in India kumpi kung ah Recognition a ngen uhi. Tuamabang in i lamkaite un zong lunggel khat na nei uhi. Date 23rd May, 1954 ni in Zou pumpi kikhaikhawmna min diing in Jou National Council (JNC) na phutkhie uhi. Office Bearers diing in anuoi a bang in na teel uhi.

1. Pu S. Semkhopau, President

2. Pu P. Kaizakham, Vice President

3. Pu T. Khup Grace, Chief Secretary

4. Pu T. Thonghang, Joint Secretary

5. Pu T. Gougin, Treasurer

6. Pu Khamzadou, Office Assistant

JNC Office mun diing in Pu T. Khup Grace umna inn, Gimson Road, Imphal na nei uhi. 

~ Zolengthe.net

Share: