"Khalvontawi scores 4 goals against The Musicians' net"

ZPL ZOMI NAM NI FOOTBALL REPORT New Delhi, Feb 16: Zani Feb 15 nin the 3rd ZPL Zomi Nam Ni Football Tournament last match (8th) na ah KHALVONTAWI FC toh The Players (Musician) kimawl, KHALVONTAWI FC in 4-0 in zou.  Half masang (1st half) a kipat tomkhat zaw 3.41pm in KVFC player Mr David in goal khat khum ngal hi. Tuazou sawtlou in KVFC player Mr Kaplal Phiamphu in goal khat mah peklut a, half tan in goal nih kikhum man hi. Half zaw (2nd half) a kipat zou lingleng, dak 4.01 in KV striker muanhuai mahmah Mr Max in khat khum. Minit 3 zou in khat mah khum kik. Tuazaw minit 7 lian in (4.10PM) D-box sungah Musician player khat a 'hand ball' kha a, KVFC in penalty shoot khat mu. Kipak tak in KVFC fans Miss Lincy Ngangai Ngaihte leh Mr Mangminlun Munluo (Gurgaon a pat KV ngainatna zal a hong kuan uh. Iki pakpih uhi) lamkaihna nuai ah a goal ngeingei ding chi kilam-et tak mai in ki om hi. Ahi'n goal pulam ah a ball a leeng khata. Hikeileh KV striker Max in hat-trick mu ding hi. Tua zou in KV team goal tam sim khat missed kha lai hi. Khaipupa'n khat kuui phei ahi'n dei a bang kei a, koi lu (head) eh'khat a kha! Captainpu zong kipei vengvung in a om a, ahi'n khatbek a peklut khata kei hi. Bangteng hileh a tawp tan in KV ten a khum beh nawn kei ua, ball possession 80% pen KV in control hi.  KVFC kimawl na ah Pastor Jangkholun Mangte melmuh in um a, tualeh KVFC managerpu zong office apat damlou chiin hong kilep (fake fever) in kipat masang in hong tung hi. Gurgaon apat unau Zou nungak te'n KV player-te hong 'cheers' nasah mahmah mai uh.....ei KV nungakte melmuh ding omlou. Bangteng hileh tunia KVFC play pen Delhi sung a tournament  lak ah Khalvontawi (Thangkhal) min a akipan akhat veina ahi a, tepteh taak khat a suak hi. Gintat sa'ng KV player te a siam veve ua, zong a ki thutuak (combination) mahmah uh chi'n games saitute khat in gen hi. Damleh tuni (Feb 16) dak 1.30PM ah ningkum a championtu Voktal 11 (Zovontawi penalty a ana zoutu) toh Khalvontawi FC kimai tuah ding a, muh nawp huai mahmah mai ding banah dipkuat huai sim abang a, ahih hang KVFC duai tuanlou ding uh hi, aziak KV te'n huphulh chih nei himhim lou chi. Cheers to KVFC, the young guns of Thangkhal! Move on....we are by your side... ~ Khaalnou Manager, KVFC

Share: