Khamchinpau Zou @ K. Zou: KI PAHTHUPUAN NA

New Delhi, the 14^th August, 2013

Khamchinpau Zou (K. ZOU), President, United Zou Organisation (UZO), Delhi Branch in tutung a UZO Election kinei na a, thutah leh ngaina tah a hing na kithuah pihte tung ah, ka lungdam thu ka hing puang hi. Koima khentuam neilou a Delhi a kum tampi  thei khamkham a imi isate a ding a ka na pan nua a, kum 2013-2017 sung a ding a i pawlpi  uh UZO Delhi Branch a vaipaw ding a nang teelna tung uah, ka kipahthu uh UZO Delhi Branch min in ka hing puang uhi.

 Tuaban ah koipou anai leh gamlat, sum leh pai sen khohsalou a, UZO lamkai teel ding a Gurgaon leh Noida a pat a hing pei khawm tengteng kung ah jong atuam in kipahthu kang puang kia sawn sawn uhi.

Pu Manglianthang President UZO GHQ, Pu Vumchinkhup Vice President UZO GHQ, Election a neh leh ta’h hing tuo sah Pu G.S Haupu Zou MLA Singngat, Pu Jamngam Chief of Khuongkhaijang leh Delhi a Zou Pastor teng in nguntah leh siangthou kilkel a Election ang bawl pieh jieh un jong kipahthu ka hing puang uhi.

Delhi UZO in thei tawp suo in bangma phual leh seel, mimal lunggul nate neilou in ka thei khamkham un Gam leh Nam a ding in kang pang ding uhi. Delhi hindan leh innlam hindan a kibat lou jieh in vaisaina lam ah koipou in hing na thei siem ding in jong kang ngen masa uhi. 

                                                      Teelching a umteng tang in,
                                                    Khamchinpau Zou @ K. Zou
                                                      President, UZO Delhi Branch

Share: