Nitak 2:30......KV News Special Issue 2013

Nitak 2:30

Short story by Lungzuang Gurgaon

 Ka khantouh tung kum 15/16 vel lai hun ahi a, ka tung a siltung tutan ka mangngilh theih vawtlouh khat a om hi. Kum sawm leh nga lam bang paikhin tamahleh hua ni a "Kei lawmdang ngai hita, bangchi'n lawm nih kakop thei diai?" Ka kiang a ahung chih, ka lung sung ah phalbi lai a zingsang daitui nisa ahungsat chiang a luang mang bang zel, abang thei mawngmawng kei hi. Hun paisate a ka it mahmah toh ka kingaih khak louh uh ka gel zel leh khawk ka sa a hilezong pawl sawm simlai a itna simthu khaubang sut ding in piching ka ki sa zou nai kei hi.

Ataktak in khawmpi om chiang in zong ka va mang ngam ngai kei hi. Mi inn a an nek leh tui dawn ka zum ziak in. Pawl sawm sim ding in kumlui ka school kaina nusia in school thak ah ka hung kaita a, hun sawtpi ka lawm leh gualluite ngaihna'n ka lung ka gelgel kha zel mawk hi. Hua kum pen maingalna himhim ka nei thei kei hi. Pawl sawm ka hung simpanta a ka lungsim ah kitangval sak utna lungsim om mah leh mi mai a va kilaksak ding pen haksa ka sa mahmah lai sam hi. Ka siam sinpih liapaal zalai ah kei lungsung teipi bang a hung sun khat ana om hi. Ahinlah "hung ngai ing" va chih ding pen humpi tawk/phin ka hih khak ding noptuaklou ka sa zel hi. Aziak amah pen alung lou lam genkha mite kia kipak takin thu agen seng kei zel hi.

Huabang a lungsim taak ding a ka ngaih tuahnu pen kei din vukkhal tuikhia ana bang zel hi. Akihoupih ngam masa omlou in kumte ana mualliam zel a, kumtawp exam zong ka na zou man zel ta uhi. December 12 hi'n ka thei lai a, ka class-te uh picnic bawl dingin luidung khat ah ka kuan uhi. Kei pen sa huan in ka buai mahmah a, amah pen lawi dangte toh luidung saklam zawdeuh ah Iim kikap ding in apai uhi. Amel etlawm dan, asam saudan, angou dan, ahoihna dang teng toh ka meh huankawm in ka ngaih tuahtuah mai hi. Amah hung theihlouh kal in ka ngaihna mawngsing bang ana sangkhin manta hi. Nitak annek zoh in kuva/zalda haidin bazaar lam ah ka pai ua, kei pen masang a hai ngailou ka hihman in ka kham mahmah ta hi. Bijang saklam a ka lawite khat uh kha a va pai chiat ka hi ua, antang sial, chini ka nek zoh in tui bartin khat ka lu ahung buak ua ka theng deuh ta hi.

Board exam na kigingkholh ding in school ah ka hung ki camp thak kik ua, hua in pen ka maingal simta hi. Sun chiah class ka nei ua nitaklam chiah social work neukhat khat ka nei zel uhi. Kiginnni chiang in ahihleh school thak ding lam in chek sawp pawl, saat sung, sehnel pawi in ka buai ni turn zel uhi. Theihmanlouh kal in Khristmas ahung tung a kei zong kumthak tan om ding in ka khua lam uah ka pawt ta hi. December 31^st ni a pawt ding ahung kiphallouh ziak in December 30 ni'n kumthak card (deihsakna silpiak) pia ding in ka kuan suk ta hi. Ka lawipa toh ka va hoh ua, singpi ahung awm hi. Neulai thute ka kihou uh anop ziak in singpi zong ana khing manta hi. Ka dawn leh a bawngnawi naang pen ka neh a abang a "na neh" ahung chih toh siak ka thuah ngai hi. Hua ni a singpi ka dawn pen lim bang in tu tan kidawn leh damlcum bangzah hiam kibeh zou ding in ka ging ta hi. Nitak lam ni ahung ngiamsimta a ka lawipa toh pai ding in ka kisa ta uhi. Kelkot (gate) tan ahung kha a ka silpiak di pen ka pia ngam kan kei hi. Mangpha ka kikhak nung un ka va pia a lungdam mahmah ahihdan anuihmai pan ka theichian hi. Ama'n zong card hung pia ut ahi ding a December 31^st ni'n ka khua geite uh pasal khat ahung puasak hi. Hua ni a pasal Lamka hoh khat pen adawn lou a kileh om senglou ahihman in a card puak atuk-ageina athei zouta kei a, kumthak bei in ka muhlouh dan ka theikhia pan hi.

Hostel ka hung lutkik ta ua, exam na mark tampi muhtheihna ding in laisim mah ka hah bawl chiat uhi. February 16 pen a birthday ahih chih ka theisiam man in gift/card hung piak ding in adawn na lai ahung gelh pai hi. Ka lawipa'n a inn ua giak dia ahung hah chial man in ka giakta a hilezong nitak in ka va pawt nawn kei uhi. Azingni zingsang bus dak 6 a alawinu toh kimu ding, aziak amah zong akholam ua pai ding ahihman in. Bus ki start ta ahung pai nai keia, atai panta a ahung dawk nai tuamlouh ziakin lungnoplou tak in ka pianna gam Khaltui Vangkhua zuan di'n bus ah ka tou ta hi. Vangkhua nuam ka tun hangin ka lungsim ka ngaih kiang chauh ah a om a, lunghel hinkhua in meiipi bangin ahung tuam hi. Nitak bus beek a ahung pai ding ka kinem a hilezong bus pai hun laitak in guah hahzuk in ahung zu a parking lam ka va ngak theita kei hi. Azingni-athaini, akalkik leh akhakik lamtan bus pai hun sialin parking lam ka va naih zing a hilezong aguak suak zel hi.

Singtang lou nasep leh tuilou nasep kihah bawllai tak ahihman in Lamka lam va hohna ding hun awl himhim amuh hak hi. Tulai bang a ut hun hun a hoh theih ahi kei a zingsang leh nitak a bus pai chihlouh gari avang mahmah hi. Pawl sawm result ahung suakta a kei zong college kai theihna ding kan kawm in Lamka lam ka va hoh sukta sam hi. Ka lawipa toh ka kimu ua, Niangboi zong hung tungsuk ahihdan agen hi. Kei zong laikhak thu pen dong ding in ka va pai ngai a, kei ahung muh in kisuanlahna'n adim hi. Hichi'n ahung gen hi, "Zingsang bus a kimu ding ih chini'n ka man zoukei ua, nitak bus in ka hung pai uhi. Ahi'n na khua uh ka tun in laikhak pen khe di ka chihleh guah ahahzuk mahmah a, asiat mawk sangin chin awl a piak di'n ka na puasuakta hi. Ka khua uh tun ding kuan a luineu pen ana khang/lian a diptan a lcapal nalam un ka kong a nalai ding ka puak pen ana kawt kha a, ink pen a kigelh ahihman in a zuun mang siang ta hi" chi kawm in ngaihdam ahung ngen hi. Hua hun lai in Chawinu zong Shillong a college kai di'n ana kuan man zelta a poi taktak ka sa sawnsawn diak hi. Kum 2 zou phial in ka lawite uh khat in a inn neite uh number ahung pia a ken zong New Lamka PCO khat pan ka call hi. Tomkhat ka kihou sung un a laikhak mulou ka hihdan ka gen a, ama'n zong, "Laisim lai i hih chianga kingai lei buaituak ding i hi, hua sang in laisim lam pibawl phot ni" ahung chi a, mangpha ka kikhakta uhi.

Kum leh khate hung paitou zel in pawl sawmlehnih zong ka zouta hi. Tua hun lai in graduation pen gampam a sim akithang mahmah hi. Kei zong neih khamkham toh meileng (train) a tuang in siamsin kawm a nasem ding in ka va kuan ta hi. Correspondence a admit bawlkawm in private company-te ah na ka sem hi. Vangphat huai takin II year ka zoh in Chawinu zong Delhi a om ahihdan ka thei khia a, Sawtpi amel mulou ka hihtakman in amel muh ding kithalawpna'n ka hun neih sun teng kalawi-kapaite kia ka ngaihdan thute ka gengen mai hi. Ni khat ka off ni in kam teng mawngmawng a ka ngaihdan leh ka itdan va gen ning chi'n ka va hoh a, hilezong ka sen kangaih in singdang ana sangta ahihdan ahung gen ta hi. Athu gen in kataksa pumpi khamtheih in i si gui (nerves) azuih a asukzoi bang in asuzoi a, ka khitui in ahung na dawn lam zong theihlouh phial in innlam ka kinunglehta hi.

I nungkum Khristmas kuan in ka lawinu leh ka tapa toh mass puan lei di'n Lamka a shopping mall thak khat ah ka va hoh uhi. Mi atam mahmah a security khat kia bang ziak a mi hi chi tam tazen e ka chi leh, "Den chianga Bonny leh Soma a film thak pen uh Mass leh Kumthak kikal a release ding pen promotion bawl a hung pai ding uh, tua ziak a mi'n angak uh ahi" achi hi. Kou zong KHALVONTAWI STORE a membership card ka neihman un van tampi ka lei uhi. Ka lawinu'n face leh hair wash abawl ut ziak in first floor a saloon a ka va pai kik ua, reception maia ka ngak kawm in magazine-te ka en maimai hi. Adang khat ka en kik leuleu a, asung a thu omte tulaia sinlaite sim dingin ka deihsak thei mah mah hi. Aziak current affairs, solved exam paper, article poimoh tuamtuam banah sport news, entertainment leh fashion lam zong ahuap kimsuak hi. Tua laitakin saloon staff khat in, "Hih mi VAPHUAL Magazine tulai a mi tampi sim pen ahi" chi'n ahung gen hi. Hoihtaka ka et thak leh ana omlou sa, tu a Lamka TSP-te'n hoihtak a bang teng tulai standard toh kituak chet a kha 3 paisa apat ana bawl kik uh ahi a, ka lung ahelsak a lah ka kipakna khitui zong aluanglou thei kei hi. Saloon manager nu'n cake lianpi khat table ah ahung koih a, a staff-te kiangah, "Ung paikhawm phot ua 24 leh 25 suty ding i hihman un Khristmas cake cut khawm ni uh e" chi'n asamkhawm hi. Merry X'mas chi'n ka kibah tuah nainai ua ka lawinu zong mask (mai suksiang dan chi khat) bawllai himahleh akam ah cake ka va bah sak kakkak hi. Saloon manager-pi ka kiangah ahung pai a, ka gei a ka tapa i mu ahung pom kom in, "U Zathang n'ung thei lai ei?" ahung chi hi. Asam ana tan torn ziakin ka thei pai kei a hoihtak a ka et kikleh sawtpi ka muh nawnlouh Chawinu ana hi hi. Adin kom in ka tapa a awi a, "Melhoih sam e" chi'n a tawp hi.

"Tulai bang na bawl zel ei"?, ahung chi a, "Indian Foreign Service a sem lei" chi'n ha dawnga kum kik January 10 a Indian i Embassy, New Zealand a posting pai ding ka _a hihdan ka gen hi. Ka lawinu'n "U Lalboi fon i inla gari toh ung paita in chi aw, kei zong ka t sam hul/gam leh man ding hita" ahung chi ₁ hi. Chawinu'n zong, "Na lawinu maw, smart .j sam e" achi hi. Ke'n zong "Anop zel nai, na t pasal, na tate..." chihte ka dong hi. "Ing nop _l( zel chih ding hi'nte, saloon owner leh g manager ka thuah suk liapluap phot hi. Ka [i loipa...." achih laitak in ka lawinu'n "U bag a _s i debit card i tawi aw payment va bawl ninge g pai hun ta" ahung chi hi. Ka gohori ka etleh i dak 2:30 ana gingmanta a pai hunta mah ve k leh maw ka chi hi. Hualaitak in Chawinu'n i "Bang dak nih leh akim gen la gari na kineih _i ta ve leh torn khat tou beh laita unla" ahung [ chi hi. Khomial masang a inn ka tun ut ziak _a un mangpha ka kikhak ta ua ka paita uhi. n Lam tungtawn khuachin a mass laa mike (ham lawng) a ana kikhah zuazuate zaphalou ₅ in pawl sawm ka sim lai a ka lawipa toh Chawinute inn a ka va hohlai a inn lam dak j 2:30 a ka pai ding ziaka lungsiat simthu -l khaubang a ka na sut manlouh pen ka ₁ lungsung a ahung kilang dengdeng hi.

(Hi mi tangthu pen ana om nawnlou, a omkik maithei Vaphual monthly magazine (in Thangkhal) theihzingna ding a lunggel hung kisuangtuah kawm a kiphuak tawm ahi a, kua hiam amin kibang kha maw ahihke'h a story toh ahinkhua omdan kibang kha a om leh ana theisiam ding in i kitheisak hi.)

Share: