Rev Khaikhanthang in TBC Tangnuam ah thu gen

LAMKA, 09 FEB 2019 --- Delhi Thangkhal Baptist Church, (TBC) Local Pastor Rev. Khaikhanthang leh Upa Kampau Joint Secretary TBC, Lydia Manhoihching leh Rechard ten tuni in Thangkhal Baptist Church (TBC) Tangnuam Biakinn a hun zang uhi.

Progrmamme hun sung in MG Muanlal in makaih a, Upa Kampau in patna thumna nei in, Miss Lydia Manhoihching in Pasian Phatna laa 'Hong sang in ka nun na Toupa aw' chi laa siam tak mai leh aw nem hiuhiau tak in sa hi.

Tuazoh in mipi in thumkhawmna hun zang uhi. Miss Lucy Nianglemsiam leh Cindy Chingkhandim ten Pasian Phatna laa 'Toupa nang din hong zangin' chi laa siam tak in sa uhi.

Rev. Khaikhanthang in TBC Delhi Saptuam Report piakna nei in, Lydia Manhoihching in Rev Khaikhanthang laa deih mahmah, Unaupa Pumkhothang laa phuak 'Min ngaih pen' chi la mipi ding in sak khawmna nei uhi. Tua khitin Rev. Khaikhanthang in 'Pasiam pomtak biakna' chi thupi pansan in, Pasian thu a Tangnuam TBC te tawh houlimna neih hi.

 Mipi pai khawm tengin tawpna laa 'Thu tak in ding kip un' chi laa sa in, Upa Laanghaulian, L

ocal Chairman in tawpna thumna nei in hun zou uhi. 

Biakna Progrmamme zoh in zinte pawt masa in, TBC Tangnuam Saptuam ten Chibai bukna nei in hun zou uhi. Biakinn kai tawpin innlam zuan in mipi pai chiat ua, Upa Laanghaulian te inn ah Rev. Khaikhanthang houlimna leh Singpi dawn khawmna kineih in hun kizou hi.

~ MG Muanlal Thangkhal

Youth Secretary, TBC Tangnuam

Share: