Kum 82 chinna Missionary day zang in Thangkhal Bible 10 pia

Lamka 2021 March 7: Thangkhal namte lak a Gospel ( Tangthupha) pua luttu Missionary Pastor (L) Thawngluan EBCC innkuanpihte tawh tuni (07.03.2025) nitak dak 1:00PM in Missionary Pastor Thawngluan tapa takpen Lianpu inn New Lamka Dorcas veng a zak in om hi. 

Hih hun ah Nengmuanlal @MG Thangkhal, Information & Publicity, Thangkhal Youth Organisation GHQs & Admin KHALVONTAWI SOCIAL MEDIA (Voice of Thangkhal) in (L) Missionary Pastor Thawngluan tanchin sutna thugenna hun zang a, Thawngluan tapa takpen Lianpu kianga Thangkhal Bible New Testament Missionary Rev. K. Ginkhankap in Thangkhal ham a Translate ana bawl Bu 10 Missionary day Gift in piakna nei hi. 

Hun zak sungin MG Thangkhal in Maitam doh a, Pu Thawngluan tate'n thugenna nei a, Thawngluan tanu takpen (L) Pi Ngaizaniang pasal Pu Pumkhanthang in MG Thangkhal a Thupha Piakna Vangthumsakna nei hi. 

Hih hun ah MG Thangkhal in Thangkhal ham leh pau a Bible Thukhunthak (New Testament) chouh om lai a, tu leh tu in Pastor Thangdoulal in Thangkhal Bible OT Translate bawl lellel a ,Thukhunlui bu 39 lak a bu 21 (Genesis to Esther banah Sam Paunakte leh Malaki) tan Translate bawl zoh, ahih dan gen in, tulel in Job laibu Thangkhal ham a translate kibawl lai tak zong ahi chi.

Maban ah Thangkhal minam in Bible OT (Thukhunlui) hong neitheina di'n thumna ah hon na phok gige un chi'in Thangkhal namte lak a Gospel Tangthupha pua luttu missionary Pastor Thawngluan innkuanpihte kiangah MG Thangkhal in ngetna nei hi. 

Lianpu Thawngluan tapa in agenna ah Thangkhal namte lak a Missionary kapa Thawngluan Thangkhal Namte lak a hon lut apat kum 82 chiangtan melmu thei a om kipak mahmah ahih dan gen a, hun zakpih MG Muanlal Thangkhal kiang ah leng kipak pet mah ahih dan gen hi. Thangkhal namte'n a itna uleh a deihsakna te uh thupi sa ahih dan gen banah Rev. Dr. Pumzathang zong Lamka pansan a om ta hih na a maban ah Missionary Thawgluan in Thangkhal nam te lak a ana sepna te laibu a hoitak a gelh a Thanwgluan tanchin hoitak a kep bitna di'n MG Muanlal kiang ah Pu Thawngluan innkuan pihte'n ngetna bawl hi. 

MG Thangkhal in ahih leh kum paisa 2019 leh 2020 apat kum teng (7 March) teng in Missionary Day Gift in Pastor Thawngluan innkuanpihte kiangah present pia zel a, kum 2019 in Pu Thawngluan tapa takpen Lianpu te nupa Thangkhal Nampuan (PUANLAISAN) khat zong ana sil sak ngai a, Kum 2020 in, Pu Thawngluan in Thangkhal Namte lak a T. Khajang Thangkhal khua pansan a Pasian thu na gen lai a T. Khajang khua a na piang (L) Pi Ngaizaniang PUANLAISAN khat mah ana sil sak hi. Tukum in maitam bawl a, Missionary innkuanpihte kiang ah Thupha ngetna bawl in, Thangkhal Bible 10 pia hi. 

Hun tawp ah Paikhawm tengin singpi dawn khawmna hun zang a, Phamta (Late) Rev. Khaikhanthang in Missionary Thawngluan a phuakna laa VEVAW TA ZEN LAI A NA SANG chih sa khawm in hun zou uhi. 

Thangkhal Missionary Pastor Thawngluan ahihleh tulel a ZOMI NATIONAL DAY OF PRAYER Committee a Chairman Rev. Dr. Pumzathang Tombing a dia a pa neu ahi.

KHALVONTAWI

VOICE OF THANGKHAL

Share: