Solomon leh Manasseh nuntakna Etkakna: Kapboi Suantak

PASIAN in Iseral teh gam chiam gam Cannan gam  a  ahung pui  tung Jo nung in Vaihomtute in vai hung hom uhi.Tualeh hun sawtpi jo in in Iseralte in kumpi ding hung ngen uhi.Tualeh atom lam a gen in Pasian in a kumpi ding uh pia hi.Leng gam om masa pen United Kingdom kichi hi,ajaik Iseral gam pen Kumpi khat vaihom na nuai a om ahi.Tua hun sung pen Kumpi Saul , David leh Solomon in vaihom uhi . Ahinla Solomon monah jiak in hih leng gam pen hung kek in leng gam  khat hilai Leng gam ni hung suak hi.

Tualeh Solomon pen hih United Kingdom a leng thum omte lak a athumna  leh atopna jong ahi.Tualeh Manasseh ahi leh Judah kumpi sawmni teh lak a a sawm leh lina pa ahi. Tuni in hih kumpi ni tegel nuntakna aki bak na leh aki lam dan na tuam tuam teh sau lou  ih enn khom  ding uhi.

đŸ‘‰Solomon ahi leh Iseral kumpi teng lak a thupi pen Kumpi David tapa ahi.(1kings 2:12)

 Manasseh ahi leh Judah kumpi teh lak a thupi pen Kumpi Hezekiah Tapa ahi.(2chronicles 32:33)

đŸ‘‰Solomon vaihom hun sung Kum 40 ahi.(1kings 11:42)

 Manasseh vaihom hun sung Kum 55 ahi.(2chronicles 33:1)

đŸ‘‰Solomon minthan na ahileh apil man, asiam man, a vaihom siam man leh a Temple lam jiak ahi.

Manasseh minthan na ahi leh agitlou man ,leh Temple a MILIM Pasian a Tung ding man ahi.(2chronicles 33:7)

đŸ‘‰Solomon nuntakna pen abul leh alai tan pen hoih in ahinla atom na lam pen Sia ma mah hi.

Manasseh nuntakna pen Abul leh alai tan pen Sia ma mah a,ahinla atopna hoih ma mah hi.

đŸ‘‰Solomon monah a apuk sak pen a jiteh ahi,aji teh jiak in milim biakna ding bol hi.(1kings 11:1-8)

Manasseh monah jong milim biakna jiak ma ahi.(2chronicles 33:3-4)

đŸ‘‰Solomon monah jiak in Pasian in  Iseral leng gam hung keksak in leng gam khat hilai Leng gam ni hung suak sak  hi(hipen atapa Rehoboam hun in hung tang Tung hi)(1kings 11:11)

Manasseh monah hang in Pasian in Judah lengam jong thukhen khum a, tualeh a leng gam jong bei ding ahi dan gen hi.(2kings 21:13-14)


đŸ‘‰Solomon ahi leh Iseral leng gam a ding a Milim biakna pankhiatu pa ahi.(1kings 11:5-7)

Manasseh ahi leh Judah leng teh lak a Temple sung a Milim Tung dok pa ahi.(2chronicles 33:7)

đŸ‘‰Solomon a monah jiak in Pasian va kilak in thu va gen napi jui nuam lou hi.(1kings 11:9)

Manasseh jong amonah jiak in Pasian houpi hi ahinla athu jui Tuan lou hi.(2chronicles 33:10)

đŸ‘‰Solomon a monah jiak in Pasian in a melma ding  bolsak hi,a melma teh ahi leh Hadad,Rezon leh Jeroboam teh ahi uhi.(1kings 11:14,23,26)

Manasseh a monah jiak in Pasian in a melma teh Assyria teh khut a piakhia hi.(2chronicles 33:11)

đŸ‘‰Solomon pen a monah pat in kisik lou hi.

Manasseh pen amaoh pat in ki ngiamkhiat in Pasian mai jong thak hi.(2chronicles 33:12-13,19)

đŸ‘‰Solomon in a shi tan in milim biakna abol teh susia lou hi.

Manasseh in akisik Jo in milim biakna tau teng susia bei hi.(2chronicles 33:15)

đŸ‘‰ Solomon monah Lian pen pen ahi leh milim biakna ahi.

Manasseh monah Lian pen jong milim biakna ahi.

đŸ‘‰ Solomon tangthu atop in Hero to zero suak hi.

Manasseh tangthu atop in Zero to hero suak hi.

đŸ‘‰ Solomon a top in a pilna leh a siamna  in milim biakna   a pat in hun khia jou lou hi.

Manasseh atop in Pasian mai a aki ngiamkhiat na leh Pasian mai ajong na pat in milim apat suaktat na ngah hi.

đŸ‘‰ Solomon tangthu pen milim biakna toh bei hi.

Manasseh tangthu pen Pasian biakna toh bei hi.

Hih gel tangthu sung a aki bat na muthei ding tampi om ta ma leh jong atopna pen ki bang lou.

Solomon tangthu pen a topna in Abul lam teng bang ma lou suak sak  toh ki bang hi.

Manasseh tangthu pen a topna jiak in a tangthu ki thei nuam hi.

Film toh teh kak ding hilei Solomon tangthu hibang ahi ding hi.A tangval pa abul apat hat ma mah mi that Jung Jung tua leh mipi teh in a last fighting a Gunda leader pa toh aki hau ding kal ngakla leh enn ut kin, ahinla amah uh gintat bang lou tak in a last fighting ah a Gunda pa in a tangval pa that hi. A hinla eite atam Jo in  Solomon tangthu a a last fighting pen kithei khol lou in Abul a anopna teng bek kithei hi.

Tua ma bang in Manasseh tangthu jong film hileh hi bang hiding hi.A tangval pa abul apat hat mong  mong lou thuak tou tou a Gunda ten Tuan chil gop,tualeh a enn tu ten jong a tangval pa vang kichai vot e,chi in homtho vot in om ding  uhi. Ahinla a gintat loupi un a last fighting a hat asak hetlou uh atangval pan a Gunda teng that bei Siang hi.

Solomon leh Manasseh tangthu toh aki bang sim thukhun thak a jong tangthu khat om hi .Tua ahileh cross a Jesu toh ki khai khom tegel ahi.Ani gel un mikhial  hituak uhi, tua leh a ni gel un a khialna  jiak un siamlou tang sak in om uhi,a hinla khat pa pen Jesu masang a aki ngiamkhiat na in atangthu  abei dan pen khat pa atoh  ki bang non lou hi.

Tuni a hih tangthu Tung tawn a ih gen ut bang ahia ih chi leh na tangthu abei dan pen thupi ma mah ahi.Tua ahi man in Na tangthu bang chi beisak som na hia.

Tuni in mikhial pa nahi mathei ahinla nashi ni in Jesu hunpa leh Toupa a na san man leh mithupi shi in nashi ding hi.Na tangthu a bei thei di dan lampi tuam tuam om hi Khovel nopsakna toh a bei thei a, lungkhamna toh jong a bei thei a, khamthei ju leh sa toh jong bei thei hi,tualeh gualel kisakna leh ki ngaih siatna toh jong bei thei hi.A hinla na tangthu Jesu toh a bei leh leitung a mi hampa pen leh mi lawching pen na hi ding hi .Tua ahi man in tu in ki ngaih tua in na tangthu bang chi beisak som na hia? 

CHRIST toh bei ding maw KHOVEL toh bei ding?

Share:

No comments:

Post a Comment

Comments not related to the topic will be removed immediately.

Recent Posts

Popular Posts

Articles

SUBSCRIBE

Thangkhal Bible in Mobile

Mobile phone a Thangkhal NT Bible koih ding dan

Read Thangkhal NT Bible

JOIN KV fb

ZOMI FINS

PHOTO GALLERY

THANGKHAL COSTUMES
TBCWD TOUR 24-Sept-2022
Kulhvum Prayer

Blog Archive