Zofa Journal, 28 April 2024 — CHINLAND ram Chin State Tedim Township chu CNF/A ten military council SAC sipai te nuai chimit turin hmalakna a nei a, ZFU/PDF Zoland lam chuan an hmalakna chu rem an tih lo thu leh Tedim Township chu PDF Zoland ten SAC nuai chimit tura hmalakna an neih ve thu April 17 khan thu chhuah an siam.
CNF/A chuan a nawr lui lo a, an thu thlukna chu a ngawih bo pui ta a ni, Falam Township a SAC sipai chu CNF/A ten nuai chimit turin hmalakna thar an nei leh a CNO/CNDF lam chuan rem an tih lo thu leh Falam Township bial a SAC te nuai chimit turin hmalakna thar an nei ve thu April 24 ah thu chhuah an siam.
ZFU/PDF-Zoland leh CNO/CNDF chuan an hriatpuina tel lo leh Chin Brotherhood lam atanga rem tihna tel lo chuan Tedim leh Falam Township bial a SAC kap lo tur leh an kap a nih chuan an ngawih bopui lo tur thu hriattirna leh thu chah an nei a ni.
He thu ah hian Zofa Journal ten CNF/A lam zawhna kan nei a, CDF/A hotu pakhat chuan mah ni in kah kan duh lo a unau kan ni a kei ni chuan in rem na kan duh zawk avangin an beisei ang chuan hmalakna nei sela Tedim leh Falam Township bial a SAC camp zawng zawng chu an lak fel thei na turin duhsakna sang tak kan hlan a ni tiin Zofa Journal ah hriattirna chu a nei a ni.
---
.jpeg)
.JPG)
.jpg)
No comments:
Post a Comment
Comments not related to the topic will be removed immediately.