Zogam salpha Paukhanthang luang hong kipaw ding

13 May 2024: Melma CNA/CNF in Kawlgam ah Zomite thuneihkhum sawm a beihpi a suahna uh pailel ah amaute hunkhe ding a vakuan Salpha Paukhanthang @ Pk Thang s/o Late V. Kaizachin, Chief of Chingmun Vangaitang in gam leh nam adin melma khut ah ahinna pia chih kiza. A luang ni 4 nung a muhkhiak ahih toh kiton in Lamka zuan in hong kipua hi.

CNA/CNF te'n tulai in Kawlgam a Zomite luahna Tedim leh Tonzang pumpi thuneihkhum sawm in khawllou in maban sawn zel uhi. CNF dalna ding leh Zomi khuate humbit ahihtheihna ding in kil tuamtuam apan Zogam salphaten galphual kidelh huan uhi. 1997 lai in leng Kawlgam apan Zogam salpha tampite hongkuan in luphumna ding in Lamka lam hong zang uhi.

India ah ah melma ten i gam opkhum hong sawm lel lel uh mahbang in CNF ten Tedim leh Tonzang township sung ah khua tamkhop thuneihkhumta in Camp bangzah hiam bawlta uhi.

Kawlgam a om Zomite a ding in thumna ah phawk ni.

RIP Zogam Salpha !🙏

~ PhualvaTimes 

Share: