CHIN NATIONAL COUNCIL FORMED

CM Pu Lalduhoma remruatna in 'CHIN NATIONAL COUNCIL' a piang ta..!

Chin state ah hian ralthuam keng  hel pawl tam tak an awm a.Mahni chibil hnam peng hrang hrang hmingin ralthuam an keng hlawm a ni. Chung hnam bil hminga ralthuam keng pawlte chu Chin National Front/ Army kaihhruai Chinland Council leh Chin National Organization/CNDF te kaihhruai Interim Chin  National Consultative Council tiin thuang hnihin an kal a ni. Chung, Chin state chhunga ralthuam keng pawl hlawm Lian deuh deuh pahnihte chu Mizoram Chief Minister Pu Lalduhoma remruatnain an pawl pahnih ve ve chu thiatin "Chin National Council"  tiin nimin Feb.26,2025 ni khan an insuihkhawm thei ta a ni.

    Chin National Front/A kaihhruai ralthuam keng pawl hrang hrangte chu Chinland Council(CC) tiin an inthlunzawm hlawm a,chungte chu:-
1.CNF/A.
  2.CDF-Matupi Brig.2,
3.CDF-Lautu,
4.CDF-Zotung ,
5.CDF- Paletwa, 6.CDF-Hualngoram ,
7.CDF-Tonzang,
8.CDF-Hakha,
9.CDF-Thantlang,
10. CDF-KKG,
11.CDF-Dai,  
12.CDF-Zophei, 
13.CDF/ CDM SIYIN,
14.PDA-Tedim
15.CDF-Mara te an tel a,
Chin National Organization/CNDF kaihhruai Interim Chin National Consultative Council ( ICNCC) lamah hian
1. CNO/ CNDF,
2.CDF-Mindat,
3.Zomi Federal Union, 4.CDF-Kampalet,
5.CDF-Matupi, Brig.1
6. Mara Territorial Council (MTC)  te an tel a ni.

Hetia, Chin state chhunga ralthuam keng thuang hniha kal  ICNCC leh CC te hian an pawl hming ve ve chu thiatin pawl pakhat ah an insuihkhawm thei ta hi a lawmawm a, he thil thleng tura theih tawpa hma latu Mizoram Chief Minister Pu Lalduhoma hi fak a phu hle a, Pu Lalduhoma hian hetianga hian hma la lo se an mahni pawl pahnih chauh chuan an inrem thei hauh lo ang tih a rinawm a ni.

Chin National Council hian Chin state chhunga  Chin mipui zawng zawng  hualzo thei  tur leh pawm tlan theih tur Constitution  an duang chhuak dawn a ni. 

~ Zoram Voice

Share: