AIFF-FIFA Talent Academy Trial: Houlungou Mate

AIFF-FIFA Talent Academy Trial adia F4C player Houlungou Mate in selection mu

Indian Football Forward Together minput in AIFF-FIFA Talent Academy, Bhubaneswar, Odisha a um theiding football talent hoitah nei mi 17 jaona list AIFF Technical Committee in asodoh uvin ahi.

Hiche player 17 list lah a Manipur akon mi 4 ajao in, hiche ho lah'a Football 4 Change player H. Houlungou Mate jong apang in ahi. Houlungou Mate in tunaicha Guwahati leh Shillong a ana chelha AIFF Under-17 Youth League Zonal Round a F4C captain hina anatuh a, national round lut pi ahi. 

Select a um player 17 hohi February 23 le AIFF-FIFA Talent Academy, Bhubaneswar a ki report ding u, February 24 apat 28 sung trial selection um ding, lhendoh a umho March 1 le gamchom a exposure tour a kondoh ding ahiuve.

Hetthei dinga hiche AIFF-FIFA Talent Academy a F4C player Kamgouhao Doungel jong ningkum a analut ahi.

Hilai mun a umho hi India min a SAFF Cup leh international tournament dang dangho a pang jiu ahin, akichep hoi dungjui uva India senior team a lut thei nading chance hoitah jong anei u ahi.

#ZalengamTimes

Share: