UZO (ZOMI): JOINT DECLARATION

Office of the

UNITED ZOU ORGANISATION
(A Constituent Member of Zomi Council)

JOINT DECLARATION
14th April, 2025

United Zou Organisation (UZO) General Headquarters, Zomi Bethel in nisim 14th April, 2025 in Zou tate theiding leh zui ding in tam anuai ah theisahna kahing bawl uhi.

2. UZO-GHQ, Zoveng min zang a nisim 11 April, 2025 nia Pu Chinkhenpau Taitom in thusuo abawl khu Bul-leh-Bal neilou leh Zuou-leh-Nal a thusuo kibawl tawm ahizieh in, Zou ta koima'n ana theipi lou leh pomlou ding ah theisah ahi. Tualeh Singngat MLA- Pu Chinlunthang Manlun leh akai zatamte- Pu Thangzamang Hangshing, Pu Nengchinlam Munluo, Pu Chinkhenpau Taitom leh a dang dang te'n dihlou tah a kibawl UZO pe'n akinthei pen a tawpsan leh khawlsan ding a theisah ahi uhi.

3. Tuaban ah, May 2023 apat a Meitei gal paulap a, mani nei leh lam, sum leh pai panglou a, Meithai-tagate nei sunsun dawngkhawm a Zou volunteer phutkhieh a International boundary kan zen a Myanmar gam a i Zomi pite vakap te'n tawpsan leh khawlsan vingveng lei i Gam leh Nam in damna angah zaw ding hi. Tuazieh in, Zou volunteers' te si leh man, liam leh bai tuoh umta leh koi in mawh napaw ding uoi?

4. India leh Myanmar Zogam a teng, Zou ta zousien United Zou Organisation (Zomi Council ai awh na nuai ah um) khu Zou Nam Kivaihawmna sangpen ahia, koipou in ana pomkip leh panpi ding a theisah ahi. Tualeh maban ah Zogam sung a Zou tate chi-dam tah a iten theina ding un, Zou ta zousia leh Zou Hattuom zousien tam UZO min chilou kipawlkhawmna dang ana theipi lou leh panpi lou ding a theisah ahi.

5. Tualeh Zou Nam, Zomi Nampi leh Zogam adia siet theina bawl te zousien zong ana tawpsan ding a theisah ahia. Nampi simmaw a nasem tei tei a um leh UZO in maw aki pawsih ding a, zong ahase theisih ding uhi. Tualeh atung ua tung bang bang tawh a lung-kim ding ua theisah ahi.

*_Zou Nam, Zomi Nampi leh Zogam in ma-sawn in, damsawt hen!

Sd/-
*Khamlianlal Mantuong
President UZO GHQ

Sd/-

Khupzoulian Tungnung
General Secretary UZO GHQ

Sd/-
Thansianbiak Phiamphu
Vice President ZYO GHQ

Sd/-
Liankhankhup Tungnung
General Secretary ZYO GHQ

Sd/-
Mangliansang Munluo
Vice President ZSP GHQ

Sd/-
Thangliankhual Tungdim
General Secretary ZSP GHQ

Sd/-
Zamkhanthang Phiamphu
President Zou Zumpi GHQ

Sd/-
Lianmuanthang Tungdim
General Secretary Zou Zumpi GHQ

Share: