38th RAISING DAY MESSAGE: KNF-N

Daitwi Camp

The 18th May 2025

Amasapen in  Nationalist Movement ihin bol kal u kum 38th 'RAISING DAY' phat le NIKHO loupitah eipe nalai'u Hatchungnung Pathen chu thangvah in um hen!

Tunikho in Gam le Nam a dinga tohkhompi;Nationalist Organisations,CSOs,Haosa-Upa chule Nam Mipi jouse 'Raising Day' salam kahin peuve.

Tunin Gaal le tol jeh in Mun khat a Kitup Chet in kimang khom thei hijong leh Mun ni mun thum a boilou hel a kiman chah na Kitup keichan ache lha thei in pathen thangvah na avel in ipe cheh uve.

Achesa 18 May,1987 Kum in aum talou milun ja umtah Pu(L) Nehlun Kuki in Kuki National Front hi Molnoi Vangkho ah nam sunga Haosa-Upa milun cheng phabep toh gam le go neilou,mi chotpha le mi noija i-umnao hiche henkol khao sutlham din pilhing tah le ponatah in ana  phutdoh uvin ahi.

Hitabang Kukite dinga atumbeh a Political Settlement/Political Status khat tundoh nading lungput ahin nei nao chung a hin tuni chan gei in Organisation in amaho Ideology hi akichepi jingin, nikho khat leh lungtup molso natei ding kinem pum'in hahsatna tampi  kimaitopi jing pum 'in akijui jingin ahi.Hiche lungtup inei u geldoh le pohnatna neipum in tuni chan geija eihin kithopi-eitosot jingu Nam mipite jouse chung a jong kipathu sangpen kahin phong kit u've.

Achainan,Lolhinna kitihin hahsatna tampi ahin kimaito pijing ahi bang'n  Namsunga Tohkhompi Nam Sepoy Organisation  ho jouse koma katemna nom pen uchu ahileh tun min chom² kisah utin kivaihom jongleu hen i-doi u(Goal) hi kibang chet ihiuvin lungel/lungput jong kibang ihiuva kilungkhat tah a pan ilah na ban uva ihapan cheh diu akul'e tijong temna sangpen ahung kinei je ajeh chu,  makhoa kimaito piding tampi jong avatna laijin Mipi te jousen jong hiche i-kimaito pijing nalai ding uvin temna sangpen ahung kinei ben ahi.Chuleh namsunga kineppi le jaum tah CSOs, Haosa-Upa chule Intellectuals hon eima hithei nalam pi a Nampi tungdoh na ding,kilungkhat na ding chule jona ponlap dop doh nading role tampi inei cheh u've.

*''KA PATHEN LEH KAGAM KANAM DING'IN "*

          *Sd/-*

          @Gou Kuki

*Dept.of Info& Publicity*

*Govt.of Kukiland-KNF-N*

Share: