Israel hi gam vetlhih a, galguh bolna lampanga vannoija minthangpen khat chu ahijinge. Agam neocha, Manipur sanga neojo, ahivanga nasa mongmong ahiuve. "espionage" lang akiseitengleh vannuoi leisiet a amaho tobang umlou leuva kisei minthang khat ahi. Amahon agaljonau thuguh atamjo 70% tobanghi intelligence agency "MOSSAD" ho panlahna jeh tithei ahi
1972 Munich Olympics a gajao Israeli athletes 11 ho chu Palestine Liberation Organisation thingnoimi hon athat uvin ahi. Hiche mithat ho holdohding kitichu hahsa mongmong ahitai. Pathen tailou, mihem kholdohthei hilouding khopma umdoh anahitai. Ahinlah, Mossad ho akivaipei tauvin, Pathen komma chihna akithum uvin, changvaijin avai uvin, lunglha louvin aholjingun, kumtamtah jouvin, vannuoi leisiet akiselna mun ningtin akuonnin bannei chan khatkhatnin aholdoh uvin, athatchaikei uvin ahi. Hiche thusim chu tuchan a kisei mangmo, gamdang spy agency ho kihilna "text book" khat in apangin ahi.
World War II kichaijou nung a Nazi sepai lamkai *Otto Adolf Eichmann* chu Argentina le leisiet gam dangdang a guhthim a kisel ahi. Amin jong akikhella, kiselmangjel ahi. Jews mi 6 lakhs val that ho lah a lamkai luboh khat anahi. Amaholdohna dinga kum 18 tobang aboipiu ahi. Kumlelha jong achechen, sumlepai jong tampi alut tai. Mijouse alunglhadai tai. Holloudinga lunggel aumjounungin jong Mossad ho akicholdo naipouve. _"Ahol in amun, alop in anekhai"_ kitibangin, Argentina khopi apatnin apomangjel uvin, Israel gamsunga thutanna aneikhum un ahi. Israel mijousen ama mel amu uchun, asopi akithat ho ageldoh un, akap lou koima aumpoi. Vannoi mipi hetdingin melse tah in akhailih tauve.
Amakeo hilouvin, Hitler noidou Nazi sepai jalamkai jouse jong aholdoh suoh hiel uvin, Israeli court a adinsah uvin, achungthu' atan suoh keijun ahi.
Tuchung *"Operation Rising Lion"* hi nikhuo 12 sungbou kidouna ahi, ahinla Iran regime IRGC lamkai le nuclear scientist luboh atamjo Israel in athat chai hiel uvin, milham le sepai dang ho vang chuti tah a casualty umlou a abol'u ahi. Hiche changei "clinical precision" nei a Israel in Iran attack aboltheina hi Mossad ho jieh mama ahikit'e Mossad agents tamtah ho lah a pachat umpentah, ahivang a koiman ahetdohlou chu *Catherine Perez-Shakdam* kiti nu hi ahi.
*Catherine Perez-Shakdam* hi France gam a pieng Jews numei feltah le chingtah khat ahi, England gam a hung khanglien a, hiche phat sung a London a lekhasim a aum lai hin Mossad in spy ding in recruit ana bol in ahi. Phat chomkhat jouchun Iran gam a dingin sol in ahung um tai. Iran alut hin London University a ana kihetpi Iranian guollhang melhoi le haosa tah khat toh ahung kilungsiet lhon in, ahung kicheng lhon tan ahi. Chuti chun, ahou jong akhel in Islam hou a alut in, Pangal nupi phatah bang in kum tamtah hinkhuo ahin mang in ahi. Numei ching le melhoi tah ahi jieh chun mi hetphah le ja chang minu khat ahung hi ta'n ahi. Phat chomkhat jou, 2014 kum achun Catherine chun apasal chu ahin khen in, 2017 kum achun Russian news channel RT journalist in ahung pang in ahi. Chuti chun Iranian regime sung a alien-alal cheng toh ahung kihetuo ta'uvin, Iranian President lui Ibrahim Raisi, Quds Force Commander lui Soleimani chule IRGC sung a lamkai lien lailai ho chu aban ban in hinkhuo ahin manpi pan ta'n ahi. Iranian regime sung a Catherine lut thuh dan chu, Iranian Supremo Ayatollah Khamenei ding a Official Writer kisan in aga pang man in ahi. IRGC sung a sepai kitoldan, galmanchah koina, nuclear siemna munpi chule thuguh tamtah chu amasanga dokhang chunga kilui bang in akilui pieh ta'n ahi.
Catherine in hiche Iranian Regime thuguh ho chu suntin-jantin in ama handler Mossad headquarter a alhut jingin ahile, 2025 June lha achun Israel in Iran chu attack bollou phamo asatai. Operation Rising Lion chu ahin pantauve. Achuti phat chun Iranian Intelligence Agency in jong gamsung thuguh jousie hi melma ho hieng a lhutji spy khat Tehran khopi sunga um ahi ahin hedoh tauvin ahi. Ahinlah koi mongmong ahichu ahedehpouve. "koi in-gap koi chapa gap ham" tia ju-phet va-phetna ahinphet u ahitai. Thilneocha kimansah kihol bangin ahinhol tauve. Hiche mihiem chu koi pentah ham ti ahinhedo tauvin, kidang asa lheh uve. Amachu koimadang ahipon, Israel douna a manchahdinga agotnu u johchu anahikha tai.
Si-al sanga jonchihjo, Catherine chu ahinhetdohdiu ahitai tichu Mossad ho ahedohpai ngar kit tauve. Hijehchun, Iran gam a kuon in Mossad hon ana lhohmang uvin, mun kihelou gamsung khatna aselmang ta'uvin ahi. Achuti phat in agangthei pen in Pu Ayatollah in jong ama official website akuon Catherine in asutsa thu ho jousie chu delete abol loichel in, hinla hichun phatchomna imacha anei tapoi.
Operation RISING LION sung a hi Iran gamsung a Mossad first class agent 20 vel kikoi ahi, amaho lamhil dungjui a chu gal aboljiu ahi. Hiche Mossad agent 20 ho lah a nasa diehset chu Catherine Perez-Shakdam kiti Jews numeinu hi ahi.
1972 Munich Olympics a gajao Israeli athletes 11 ho chu Palestine Liberation Organisation thingnoimi hon athat uvin ahi. Hiche mithat ho holdohding kitichu hahsa mongmong ahitai. Pathen tailou, mihem kholdohthei hilouding khopma umdoh anahitai. Ahinlah, Mossad ho akivaipei tauvin, Pathen komma chihna akithum uvin, changvaijin avai uvin, lunglha louvin aholjingun, kumtamtah jouvin, vannuoi leisiet akiselna mun ningtin akuonnin bannei chan khatkhatnin aholdoh uvin, athatchaikei uvin ahi. Hiche thusim chu tuchan a kisei mangmo, gamdang spy agency ho kihilna "text book" khat in apangin ahi.
World War II kichaijou nung a Nazi sepai lamkai *Otto Adolf Eichmann* chu Argentina le leisiet gam dangdang a guhthim a kisel ahi. Amin jong akikhella, kiselmangjel ahi. Jews mi 6 lakhs val that ho lah a lamkai luboh khat anahi. Amaholdohna dinga kum 18 tobang aboipiu ahi. Kumlelha jong achechen, sumlepai jong tampi alut tai. Mijouse alunglhadai tai. Holloudinga lunggel aumjounungin jong Mossad ho akicholdo naipouve. _"Ahol in amun, alop in anekhai"_ kitibangin, Argentina khopi apatnin apomangjel uvin, Israel gamsunga thutanna aneikhum un ahi. Israel mijousen ama mel amu uchun, asopi akithat ho ageldoh un, akap lou koima aumpoi. Vannoi mipi hetdingin melse tah in akhailih tauve.
Amakeo hilouvin, Hitler noidou Nazi sepai jalamkai jouse jong aholdoh suoh hiel uvin, Israeli court a adinsah uvin, achungthu' atan suoh keijun ahi.
Tuchung *"Operation Rising Lion"* hi nikhuo 12 sungbou kidouna ahi, ahinla Iran regime IRGC lamkai le nuclear scientist luboh atamjo Israel in athat chai hiel uvin, milham le sepai dang ho vang chuti tah a casualty umlou a abol'u ahi. Hiche changei "clinical precision" nei a Israel in Iran attack aboltheina hi Mossad ho jieh mama ahikit'e Mossad agents tamtah ho lah a pachat umpentah, ahivang a koiman ahetdohlou chu *Catherine Perez-Shakdam* kiti nu hi ahi.
*Catherine Perez-Shakdam* hi France gam a pieng Jews numei feltah le chingtah khat ahi, England gam a hung khanglien a, hiche phat sung a London a lekhasim a aum lai hin Mossad in spy ding in recruit ana bol in ahi. Phat chomkhat jouchun Iran gam a dingin sol in ahung um tai. Iran alut hin London University a ana kihetpi Iranian guollhang melhoi le haosa tah khat toh ahung kilungsiet lhon in, ahung kicheng lhon tan ahi. Chuti chun, ahou jong akhel in Islam hou a alut in, Pangal nupi phatah bang in kum tamtah hinkhuo ahin mang in ahi. Numei ching le melhoi tah ahi jieh chun mi hetphah le ja chang minu khat ahung hi ta'n ahi. Phat chomkhat jou, 2014 kum achun Catherine chun apasal chu ahin khen in, 2017 kum achun Russian news channel RT journalist in ahung pang in ahi. Chuti chun Iranian regime sung a alien-alal cheng toh ahung kihetuo ta'uvin, Iranian President lui Ibrahim Raisi, Quds Force Commander lui Soleimani chule IRGC sung a lamkai lien lailai ho chu aban ban in hinkhuo ahin manpi pan ta'n ahi. Iranian regime sung a Catherine lut thuh dan chu, Iranian Supremo Ayatollah Khamenei ding a Official Writer kisan in aga pang man in ahi. IRGC sung a sepai kitoldan, galmanchah koina, nuclear siemna munpi chule thuguh tamtah chu amasanga dokhang chunga kilui bang in akilui pieh ta'n ahi.
Catherine in hiche Iranian Regime thuguh ho chu suntin-jantin in ama handler Mossad headquarter a alhut jingin ahile, 2025 June lha achun Israel in Iran chu attack bollou phamo asatai. Operation Rising Lion chu ahin pantauve. Achuti phat chun Iranian Intelligence Agency in jong gamsung thuguh jousie hi melma ho hieng a lhutji spy khat Tehran khopi sunga um ahi ahin hedoh tauvin ahi. Ahinlah koi mongmong ahichu ahedehpouve. "koi in-gap koi chapa gap ham" tia ju-phet va-phetna ahinphet u ahitai. Thilneocha kimansah kihol bangin ahinhol tauve. Hiche mihiem chu koi pentah ham ti ahinhedo tauvin, kidang asa lheh uve. Amachu koimadang ahipon, Israel douna a manchahdinga agotnu u johchu anahikha tai.
Si-al sanga jonchihjo, Catherine chu ahinhetdohdiu ahitai tichu Mossad ho ahedohpai ngar kit tauve. Hijehchun, Iran gam a kuon in Mossad hon ana lhohmang uvin, mun kihelou gamsung khatna aselmang ta'uvin ahi. Achuti phat in agangthei pen in Pu Ayatollah in jong ama official website akuon Catherine in asutsa thu ho jousie chu delete abol loichel in, hinla hichun phatchomna imacha anei tapoi.
Operation RISING LION sung a hi Iran gamsung a Mossad first class agent 20 vel kikoi ahi, amaho lamhil dungjui a chu gal aboljiu ahi. Hiche Mossad agent 20 ho lah a nasa diehset chu Catherine Perez-Shakdam kiti Jews numeinu hi ahi.
~ WAP
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.