CHIN = BAWM PAW-TE | Rev Dr Gin Khan Khual

"I Minam min vai ah, kuamah gammang kei ni maw, guai. 'Zomi' hihang".

"I mipil pawlkhat in ah, 'Kuki' cih pen tulaitak a Chin _pyne_ a Zomi teng khempeuh leh Mizogam a te zong, Manipur a te zong, Nagaland a pawlkhat zong [koi teng] Kuki hi, ci. Kuki koi pan hong piang?

 Mangkangte'n India gam la uh. Asih (India company) kici in ah, Calcutta ah bulphuh in, Bengali te do in ah zo in, Bengal alaakkhit tak ciang un ah Assam gam ah (Guwahati lam ah) pai to² pai to² in, la to² in ah, Kham leh Zang (Assam gam leh Mualtung) gamgi atuntak uh ciang un, Mualtung ah niik teng lo, puansilh lo, dialkaih bek ateeng in temtawng tawh gamlak a avaak 'Minam' mu uh a, akamphen (interpreter) te uh Bengali te hi in, 'No hua Minam te bangci?' acih leh "A Minam min uh thei kei ung, tangguak (naked) a om ahihman in ah 'Kuki' ci ung" ci. Tua a kipan Makangte'n "Aw, hihte 'Kuki' ci'a ana cepteh uh".

"Kuki acih ciang in, 'Niik teeng lo, puan silh lo, tangguak a om' acihna hi".

"Carey & Tuck kikum in ah, "Lawm, huah Zogam cih khat na om veh aw. Tua Chin Hills i cih, i laakte pen en 'Chin' ci'a i cepteh hang in, amau leh amau 'Zomi' akici uh na hi gige" ci'n Culcatta atun' uh teh – 'The Chin Hills Gazzette - Carey & Tuck' ci'n ah Laibu khat gelh in, atawpna ah 'Ka gam laak uh, 'Chin Hills' ka cih² uh pen 'Zogam' na himawk. Ka milaakte uh 'Chin' ka cihte uh amau leh amau 'Zomi' amaan na² hizaw ei' ci in Carey & Tuck in ah mattan na² ten kik pan hi"

"I Minam min pen mite'n ong ko'na, minsia tawh ong ko'na khawng zang kei ni in ah - i pu-i pa'n ana sihpih ngam uh, ana nunpih ngam uh, 'mintak' mah i sihdong in - vantung i tun' ciang in bel ken'theih om kencin, vantung i tun' mateng tua len tinten ni, sanggam it kuamapeuh - i Minam bup in".

~Rev. Dr. Gin Khan Khual (Zomi History)

08-07-2025 | Tuesday

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: