Firing💥 UPDATE | CNDF Vs CNA

09/07/2025 (Wed): Vaphai kiang, Saikhumphai naih, Leilet gam ah CNA leh CNDF te tuzing tanpha nasetak in kikap zul zel ua, dak 7:00am vel a pat in thauging khawl tadih hi'n thudonna in gen hi.

Zan in Champhai DC, Police heutu, BDO Khawbungte'n Saikhumphai va pha ua, thiltun'dan leh Mizoram a galtaai hong lutte' dinmun etchianna nei uhi.

CDNF leh CNA te' kikap ziak in Police in achiamteh dan in Saikhumphai, Vaphai leh Farkawn khua-te ah zan sunma lam tan'in galtaai 744 lutta hi. Galtaai-te ahih uh leh Chin state a Leilet, Singai, Selawn leh Satawm khuate a kipat hong lut hi uh hi'n kigen hi.

Sepaih pawl nihte ahihleh Leilet khua - gam ah Pathianni a kipat kikap panta hi uhi. Thudon'dan in, CNDF te akikulhna uh *"Camp Rihli"* pen CNA te'n bei'/kap in luhkhia ua, hiai nung in CNDF te'n bei'/kap zuingal uhi.

Thau agin' det ban ah, Mizoram (India) gam lam a thautang lenglut anasat ziak in CNDF mi 4 Tiau/ Ciau lui a kia-te' luang zonna nna leng paipih ngam di dan hilou a, Saikhumphai khomite'n leng a zanglou uah nna sem ngam tadihlou uhi.

©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭

Share: