KSO-SH Felicitation cum Career Guidance programme: Pu Aaron Kipgen, KNF(UPF)

Kukiland , 11  July 2025 -- Pu Aaron Kipgen Spokesperson, UPF & General Secretary, KNF in KSO-SH Felicitation cum Career Guidance kingon a houlimna ana nei.

Tuni KSO-SH in Felicitation le Career Guidance program agong uvin, kipapi aumlheh'e.

Hiche kingon lolhinna dinga pan hatah a hinla hi namlamkai Pu Aaron Kipgen ahi in, itih a kana hetkhah behlou, Nam sepai ho in Simlai ho khohsah na a na ahintoh uhi kithang at pi aum lheh'e. Nom leuhen da leuhen UPF/KNO hi Nam ading'a thanei na lentah anei ahi in, hijehchun political talks bou khohsah hilouva, gamsung khantou machalna ding lampi chomchom ho jong hatah a akhohsah jingding hi a kuul lheh'e.

Tunia Pu Aaron Kipgen in asei chu SA del ihi uvin, SA idel jeh uva SA mu thei ding dinmun a gotsa ium diu ngai ahi ati'e. Hitoh kilhon'a Themjil na lam ikhohsah diu, sumkol veina lam ikhohsah diu, gamsung a chonchan pha le khankho nunkho ikhohsah diu, gamsung thenna le hoina ikhohsah diu, hiche ho akon gam le nam khangtou ding hung nom ding ahi. SA in Kukite gam anopsah ding ahipon, gamsunga imalam jouse a panna thei cheh'a thilpha thilhoi aum nadinga pan ilah phat uleh igamsungu anomsa ana hiding ahi.

Lamkaipun aseibe na ah; Kuki ihi man uva chop dehduh ding, gep betbut a chen ding, thutah thudih umtheilou ding tina ahipoi, Kukite jong vannoi leiset a akhangtou pen ho toh kibang thei ihiuve ti hi ilung uva ikhum diu deisah aumlheh'e jong ati.

Chuleh Tunia relief camp a um ho hi nang suh khel jih hilou nanu napa suh khel jih jong hilou galmiten i-inn u i-kho u ahal a gamleiset ehin đã lhah uhi Echen khompiu hotoh gamleiset kichu kivaihom na tum del Nam mite ehi jih u ahi. Hijeh chun in le lou kho le veng dalha jong leo hen nalung neo lou diu ahi lekha phatah a nasim diu Nampi a ding a pan na kanei tei ding ahi nati diu ahi.

Chukitleh Kuki nam mite hi Pathen phat thei ichang uvin officer jong itam uve, ahin nasuh mil lou diu chu nalo lhin na pa chan teng na chen na nahung khan létna Thinglhang gam nasuh mil lou diu nakho naveng dalha a na chao doh lou diu. You have to give back to society. Pachan na nei u tin officer len tah tah hijong leo hen Nampi ngailut na enei lou leo mi noise echan Jing diu ahi tin jong khangthah ho tilkhouna ana neiye.

📫 Kukiland News 

Share: