LAMKA, July 28, 2025 (Monday) -- Tumasang go nasatah juh jeh'a Henglep gamkai adeh'a Tipaimukh Road lampi mun tamtah munchim in asuhset ho tuchan gari lhaimat theilou a um chu gelkhoh in tuni'n 57-Henglep MLA Pu Letzamang Haokip panlahna in DC Churachandpur Dharun Kumar, SP Churachandpur Prakhar Pandey, SDO Henglep Th. Mangminthang Gangte leh Henglep Sub-Division Chiefs' Association lamkaiho jaonan mi poimo dang dang hon, amuntah ah vetlhahna anei uvin ahi.
Official team hon Churachandpur - Tipaimukh Road a D. Khawzim chan apha uvin, khuo chomchom a gentheina toh ho kimupi in, hahsatna suhlhap nadinga poimoho aseikhom uvin ahi.
MLA pu lamkaina official team hon lampi semna mipo BIPL company a Project Manager leh official dang dang jong meeting aneipi uvin, Tipaimukh Road lampi munchim in asuhsetna jouse hapta khatsunga asemchai diuvin seilhahna anei uvin ahi.
Chuleh, tumasang gojuh jeh a thilse tamtah analhunna Tuila area a Old Phaisat, Bungkot, Lhanjang leh Tuilaphai ho jong ground assessment abol uvin ahi. Maban a itobang panpina umthei ding ham ti ahin vetsui diu ahi.
Tuchung khoset jeh'a boina in alhunkhum ho nehding annchang tuni chan in Henglep MLA panlahna in bag 300 ahomdoh taovin, maban sotlou a bag 100 ahop kit diu ahi.
Tuchung boina in atohkhahna jouse koima donselou a kikoi lou ding, District Administration leh SDO toh pangkhom a apoimo ijakai boipi hijing ding ahidan Henglep MLA Pu Letzamang Haokip in asei in ahi.
MLA pu lamkaina official team hon lampi semna mipo BIPL company a Project Manager leh official dang dang jong meeting aneipi uvin, Tipaimukh Road lampi munchim in asuhsetna jouse hapta khatsunga asemchai diuvin seilhahna anei uvin ahi.
Chuleh, tumasang gojuh jeh a thilse tamtah analhunna Tuila area a Old Phaisat, Bungkot, Lhanjang leh Tuilaphai ho jong ground assessment abol uvin ahi. Maban a itobang panpina umthei ding ham ti ahin vetsui diu ahi.
Tuchung khoset jeh'a boina in alhunkhum ho nehding annchang tuni chan in Henglep MLA panlahna in bag 300 ahomdoh taovin, maban sotlou a bag 100 ahop kit diu ahi.
Tuchung boina in atohkhahna jouse koima donselou a kikoi lou ding, District Administration leh SDO toh pangkhom a apoimo ijakai boipi hijing ding ahidan Henglep MLA Pu Letzamang Haokip in asei in ahi.
~ WAP
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.