Pastor Timothy Molsom leh a team te thuumpihni

Khrist a seppih, Jesu Khrist' min in chibai aw! 

Kou omna apan a Km 31 lak a thil tung ahi. Thil tunna mun ahih le Panisagar, North Tripura ahi. Tarik 20 July 2025 nitak dak 7:40pm lak in missionary te innveh a om lai tak un gospel doudaltu mi 24 maitum ten sikchiang (Iron rod) toh attack ana bawl uhi. Missionary nih in liamna nasatak in tuak ua, amau te hospital a puak in om uhi. 

Timothy Molsom ahih le ka lawmte khat ahi a, mission nasepna vai a ki thuzak zel kahi uhi. Tulel in amah leh a team ten Bengali leh Bisnupriya lak a sem lel uhi. 

Timothy in a genna a attack hon bawl ten thah hon sawm uhi, a ziak tuh iron rod in lu (head) lak kia ngen sat sak uhi. Pathian venna ziak in migiloute deih bang tak in che man kei ua, huchi kei le sihna tan tuak thei ding ahih dan uh gen uhi. Missionaryte a lu lak a hahliam sim ziak in hospital tut in om ua, a lu sung lak bang mah chi lou hi. 

Zan tarik 21 July in FIR bawl sawm ahi a, himahle OC pan mohpuakna a lak ngam louh ziak in tutan in ki bawl thei nailou hi. Tu ni FIR bawl sawm non ahi. 

Mun khenkhat a maingal tak a doudaltu ten nna sem zel ahih man un, missionary ten na thumpihna uh ka poimoh petmah uhi, a diak in tulel a buaina tuak lel Pastor Timothy Molsom leh a team te phattuam ngai tak a ana thuumpih ding in Pathian' min in ka hon ngen hi.

Ngentu:

Thang Ngaihte

GNFA, Tripura 

Share: