Social media a hi paodoh lou teidi kati ahin hinlah eikibol be be jengin, tehse hon "Paomo chunga thu atam'e" tihi keichunga lhung danin aumtan mihem hinan thoh hah kasa lheh jenge.
Nam sunga ima hihih jongleng kamopohna in kajochanin inam boina'a kamopohna'a katoh thei kham kagelthei kham'a pan kalahna sunga hi inam kipalna thei ahiloule inam movement lhahsamna theija kapan khah ahijongle pho'a hil'a touthim sah jengthei kahi louham? Tua galmi ten eibol jong hilou kol le vai in eibol jong hilou ei leh ei sunga boina avel vel'a eiki sempeh hi na kasa lheh jenge. Mimol kahin katoh khel kasei khel jong umda ponte, kanom'e, ahin Govt. khut a pehdoh teidi eikiti vang hi khonunga nam'a dinga apha behset din kagelpoi. Kei mimol chunga ibol'u ahitah jongle tunung taban levang koima chunga bol tapoute tia Nam damna dinga katao ahi. Adihlou aphalou eiho sunga kihil toutin kiphoh toute koima achanga phadi khatcha iumpouve.
1993 gal apat'a kajokham'a gam le nam na kahintoh ahitan kabolkhel kabolkhah jouse hi kei dinga eilamhil'a pang jing ahi. Tunia kei umjeh'a kanoh phah ahi'a mattup sah di neitio ahitah jongle, kei umlouva nabolgot'u, natoh got'u chu gam le nam'a dinga phachom nam? Genthei kiledoh nadi ahile phanan tin ahinla gam le nam'a dinga phachomlou di ahikhah leh kei mimol ima kahipoi, gam leh nam jal'a thisan long holeh genthei ho hung aodoh thou ding ahiuve.
I-Pathen leh igam inam ngailutna jal'a katao ahi, Govt. khut'a kihen-oh, kipehdoh hi nga taote.
Keima
Home Secretary
Kuki National Front (KNF)
📰THE KANGGUI POST🗓️
.jpeg)
.jpeg)
.jpeg)
No comments:
Post a Comment
Comments not related to the topic will be removed immediately.