Thadou Tribe Committe Songbung: Suhthengna

OFFICE OF THE
THADOU TRIBE COMMITTEE, SONGBUNG

MAHUR SUB-DIVISION, DIMA HASAO DISTRICT, ASSAM

SUHTHENGNA

Assam State, Dima Hasao District leh Mahur Sub-Division sunga Songbung vangkho hi sorkar hetpiehna’in achesa 1964 kum’in pu le pa Thadou ngailu cheng’in ana satdoh un, NC Hills Autonomous Council noija Thadou Mauzadar sunga Thadou kho khat ahin, hijeh chun Thadou Mauzadar khat a Khasanna (Land Tax) akipei’jin ahi.

Songbung kho hi Assam gam’a Thadou Nam kivaipohna sangpen Thadou Inpi, Assam ana kiphondohna leh munpi/headquarter munjong ahi. Kho akiphudoh apat tuni geijin Haosa hihen khomite hijongleh Thadou Nam dinga pan laijing kahiuvin, a itih lai injong Thadou kaseilep khapouve.

Hetbe thei khat chu Songbung kho haosa (GB) hi kho mite’n kum 5 dinga kilhengdoh ji ahin, mi kitah, Pathen ging, Thadou Nam ngailu chuleh Kho kivaipoh dan hethem tah mipa khat kilhengdoh ji ahi. Hiche dungjuya chu Pu Lenkhohao Silthou hi achesa 2017/18 kum’a ana kilhengdoh ahin, tuhi term nina adia kumthum lhinna ahitai.

Ahin, vangset umtan in Pu Lenkhohao Silthou hin Haosa apan sungin Thadou Nam hi Kuki gamvahho kichatna leh tjatna jeh in aseilep jingin, Thadou ahina ajapchat tan, Songbung khomite juose hi Kuki sung’a ei piulut dan’in aboljing ahileh, Songbung Thadou kho hi Kukite kho dan’in vannoi hetin aum jingtan, khosung mite’n deilouna leh pomlouna toh gom in demna sangpen kahin phongdoh uve.

Chutichun, achesa April 4, 2025 nikho a Guwahati khopi mun’a Assam gam’a dia amasapen HUN-Thadou Cultural festival toghon chu Kuki gamvah toh kitho in ana tuhtang go in, a khomite HUN mang dia che kiguo ho anajahda in khamgahna jong sangta in ananeijin ahi. Aban kitin achesa nisim August 11, 2025 nikho in KLA/KLO, KIA, KSO makaina a Imphal khopi a TIM makaina a Thadou (Kuki hilou) leh Meitei kikah kihet themtona siema kalsong Assam akon Thadou lamkai TIA, TI-DH leh TI-KA ho chungchang thu in, kin leh dong beijin mipi ki houkohnma Songpijang Community Hall mun’a Kukihon ananei naova chun Pu Lenkhohao hi adammo alelsa san anoija minchong Songbung khosung mi hotoh aga kalsong uve.

1. Mn. Lienhao Silthou GB

2. Mn. Tongseh Chongloi Secretary GB

3. Mn. Khumpa Lenthang

4. Mn. Thangseh Lhouvum

5. Mn. Seikai (1) Lhoujiem

6. Mn. Minte Gangte

7. Mn. Sehn gam Doungel

Achung’a chengse hi khosung mipin akithet pieh pon, Kuki Inpi Assam kilolna (Resolutions) jong Thadou nam hian akisan peh pon ahi, chule maban’a Khosung hasao hihen mimal hijong leh, Kuki kiloi khomna’a ‘pang hole akiloi khom naova aki lolnau hojong, Songbung khosungmi’in kipom louding ahi tin phondohna leh suhthegna ahung kinei e.

Chairman, TTC-Songbung

Secretary, TTC-Songbung

Share: