Historic moment: First Zomi elected Councillor in the UK

Big congratulations, Pi Khumi Burton!

UK Zomite sung pan Politics lam ah amadawk, Pi Khum

UK sung ah Zomi ki tam hetlo na pi'n, Pasian in adiakdiak in pilna lam ah thupha hong pia peuhmah hi.

11th September 2025 ni in ii Zomi pih, Pi Khumi Tonsing Burton in Conservative Party mintawh Lacey Green & Styal Ward, Wilmslow for Cheshire East Council ading in Councillor thak kitelna pan Labour leh Reform parties te zo ahihman in UK sung aom Zomite sung pan Councillor masa pen aneizo suak hang. Topa'n Pi Khum thupha hongpiak sak semsem lai tahen.

Pi Khum pen India gam Lamka, Manipur pan hi in, 1973 kum in Air India ah asep lai in a lawmpa, Sidney Burton (retired Major) tawh kimu in 1976 kum in kiteng uh hi.

UK a om zawh kum 50 val ta in, kumpina zong mun tuamtuam ah sem ngei hi. Manchester ah Magistrate (Justice of Peace), General Commissioner of Income Tax, and on the board of Visitors for Styal Women's Prison, President of Bristtish Red Cross (Greater Manchester) leh community ading in zong na tampi sem ngei khin hi.

2001 kum in Deputy Lieutenant of Greter Manchester ding in kitelna lai ngah hi. 2003 kum in Queen Elizabeth II tawh Buckingham Palace sung ah kimu in, 'Queen's Award' zong kipia ngei hi.

Pi Khum pen Zomite ading in a ettehhuai mahmah numei thupi khat hi. Topa'n anasepna maban ah thupha hong piaksak lai tahen.

Alungdampih,
Suan Tawng
London

Share: